जनकपुरधाम, १६ जेठ । मधेश प्रदेशको आर्थिक, सामाजिक विकास र वातावरण संरक्षणका दृष्टिले एउटा ऐतिहासिक पहलको तयारी गरिएकाे छ।
मधेश प्रदेश सरकारको गौरवको योजना अन्तरगत ऊर्जा, सिचाई तथा खानेपानी मन्त्रालयद्वारा विद्युतिय शवदाह गृह निर्माण प्रक्रिया अघि बढाइएकाे हाे ।
शुक्रवार साे मन्त्रालयले सराेकारवालासंगकाे छलफलबाट जनकपुरधाम वडा नं. ४ स्थित गंगासागर पाेखरीकाे डिलमा रहेकाे स्वर्गद्वारमा साे विद्युतिय शवदाहगृह निर्माण गरिने सर्वपक्षिय निर्णय गरिएकाे छ ।
सराेकारवालासंगकाे छलफलमा वर्तमान स्वर्गद्वारकाे दाेश्राे कितामा विद्युतिय शवदाहगृह यसै आर्थिक वर्षदेखि निर्माण प्रक्रिया अघि बढाइने, यसै साता टेण्डर प्रक्रिया अघि बढाइने र निर्माण भइसकेपछि सम्बन्धित जनकपुरधाम उपमहानगरपालिकालाई हस्तान्तरण गरि कार्यविधि बनाएर स्वर्गद्वार समितिलाई संचालनकाे जिम्मा दिइने निर्णय गरिएकाे छ ।
छलफलमा उर्जा, सिंचाई तथा खानेपानी मन्त्री शेषनारायण यादवले मधेश सरकारको याे गौरवको योजना रहेकाे र याे शवदाह गृह निर्माणले आम जनतालाई आर्थिक र समयकाे बचतसंगै वातावरणिय हिसाबले पाेलुसन राेक्ने काम समेत गर्ने बताए ।
उनले सो योजनाका लागि जनकपुरधाम उपमहानगरपालिकाका मेयर मनोज कुमार साह र केही वडा अध्यक्षहरुबीच सहमति निर्णय समेत भई सकेकाले निर्माणदेखि संचालनमा कुनै समस्या नहुने दाबी गरे ।
दुई वर्ष भित्रमा इलेक्ट्रिक शवदाह गृह निर्माण हुने छ साे शवदाहगृहकाे यसै साता टेण्डर निकालिने र निमार्ण लागि मन्त्रालयले ११ करोड रुपैया छुट्याइएको जानकारी मन्त्रालयका सचपव रामुकमार खंगले जानकारी दिए ।
याे शवदाहगृह निर्माणपछि शव दहन गर्ने दाउरा लगायतका सामाग्रीमा ७/८ सम्म खर्च पर्ने ठाउंमा बढीमा ३ हजार मात्र खर्च हुने, काठ काटिने राेकंदा जंगल बच्ने र पाेलुसन नफैल्ने लगायतका फाईदा हुने सचिव खंगले बताए ।
कार्यक्रममा उपस्थित जनकपुरधाम उपमहानगरपालिकाका मेयर मनाेज साहले जनकपुरधाममा विद्युतिय शवदाह गृह निर्माण हुनु ठुलाे गाैरवकाे विषय रहेकाे भन्दै निर्माण सम्पन्न भएपछि तात्कालै कार्यविधि बनाएर स्वर्गद्वारी समितिलाई संचालनकाे जिम्मा र आर्थिक काेष स्थापना गरि संचालनमा ल्याइने जानकारी दिए।
उनले सम्बन्धित वडा अध्यक्षहरूसँग पूर्व-सहमति भइसकेको उल्लेख गर्दै यस योजना अब कार्यान्वयन चरणमा प्रवेश गर्न लागेको स्पष्ट पारे ।
विद्यमान परम्परागत दाहसंस्कार प्रणालीमा आउने कठिनाइ, खर्च र वातावरणीय असरलाई ध्यानमा राखेर इलेक्ट्रिक शवदाह गृहको विकल्प अपनाइएको हो। यसले काठको खपत कम गर्नुका साथै कार्बन उत्सर्जनमा समेत कमी ल्याउने विश्वास गरिएको छ।
शवदाहगृहका लागि अढाई तल्ले भवन निर्माणसहित दुईवटा शवदाह ट्रली बेड, भृन्चुरी स्क्रबर, वेट स्क्रबर धुंवा निस्किने चिम्नी र अस्थिलाई व्यवस्थापन गर्ने सहितका वातावरणीय संरचना निर्माण गरिनेछ ।
यो विषयमा आफ्नो प्रतिक्रिया दिनुहोस् !