जनकपुरधाम, जेठ ५ गते । क्षीरेश्वरनाथ नगरपालिका–१ रमदैयास्थित वण्डरलैंड वाटरपार्कको स्थलगत प्रदेश सरकारका ऊर्जा, सिचाई तथा खानेपानी मन्त्री शेषनारायण यादव र नेपाली कांग्रेसका सहमहामन्त्री एवं पुर्वमन्त्री महेन्द्र यादवसहितका टोलीले निरिक्षण गरेका छन ।
केही दिनअघि विद्यार्थीहरूका लागि आयाेजित कार्यक्रमकाे क्रममा भएकाे तोडफोड बारे जानकारी लिन साे टाेली निरिक्षण गर्न पुगेका हुन् ।
केही महिना अघि मात्र संचालनमा आएका वाटरर्पाकमा गएको शनिबार कृष्णा फाउण्डेशनद्वारा कक्षा १२ का परीक्षा दिएका विद्यार्थीका लागि आयोजित फेयरवेल कार्यक्रमको क्रममा उच्चश्रृंखल समूहले तोडफोड गरेका थिए ।
निरिक्षण पश्चात उनले घटनाप्रति दुख व्यक्त गर्दै धनुषा निर्वाचन क्षेत्र–४ स्थित ढुक्क भएर उद्योग व्यवसाय संचालन गर्न आग्रह गरे । उनले भने तपाईहरुले सुरक्षा सम्बन्धी कुनै प्रकारको चिन्ता लिनुपर्दैन, सुरक्षाको व्यवस्थापन गर्न आफूहरुले हरसम्भव सहयोग गर्ने प्रयास गर्नेछु ।
वाटरपार्कमा अनधिकृत रुपमा प्रवेश गरेका विद्यार्थीहरुले उपद्रव गर्न थालेपछि प्रहरीले हस्तक्षेप गरेपछि झडप समेत भएको थियो । कमजोर व्यवस्थापनको कारण भएको अराजक स्थितिलाई नियन्त्रणमा लिन प्रहरीले ४ राउण्ड अश्रुग्यास समेत प्रहार गरेको थियो ।
वाटरपार्कमा जडान गरिएको सीसीटीभी क्यामरा, गमला लगायतमा ती समूहले तोडफोड गरेका थिए । तोडफोडले वाटरपार्कमा पुगेको क्षतिबारे संचालकहरुले नेता यादव नेतृत्वको टोलीलाई जानकारी गराएका थिए ।
सो निरिक्षण टोलीमा कांग्रेस मधेश प्रदेश सदस्य बजरंग यादव, डा. संजिव यादव, कार्यकारिणी समिति सदस्य रमेश महतो सिंह, मधेश स्वास्थ्य विज्ञान प्रतिष्ठानका उपकूलपति डा. अंकुर साह, नेपाली कांग्रेसका नेता मोहन माथेमा, क्षीरेश्वरनाथ नगरपालिकाका उपप्रमुख रचना माथेमा, जनकपुरधाम उद्योग वाणिज्य संघ अध्यक्ष पदका प्रत्यासी मनिषरमण साह लगायतका व्यक्तिहरुको उपस्थिति रहेको थियो ।
यो विषयमा आफ्नो प्रतिक्रिया दिनुहोस् !