जनकपुरधाम, वैशाख १४ गते । नेपाली कांग्रेसका सहमहामन्त्री महेन्द्र यादवले भाटभटेनी लुटपाट घटनामा कांग्रेसका कुन सहमहामन्त्रीको छोराको संलग्नता रहेकाे भन्ने कुरा नाम र तस्वीरसहित सार्वजनिक गर्न राप्रपा अध्यक्ष राजेन्द्र लिङ्देनलाई चुनौती दिएका छन् ।
आइतवार जनकपुरधामस्थित पार्टीकाे जिल्ला कार्यालयमा एक पत्रकार सम्मेलन आयाेजना गरि पूर्वमन्त्री समेत रहेका सहमहामन्त्री यादवले आफू र आफ्नो पार्टीविरूद्ध लगाएकाे आरोप पुष्टि गर्न चुनौती दिदै होईन भने कानुनी उपचार खोज्ने चेतावनी समेत दिए ।
चैत १५ गते भाटभटेनी लुटपाटमा कुन सहमहामन्त्रीको छोरा थियो ? तस्वीर सार्वजनिक गर्नुस । होइन भने हामी सहमहान्त्रीहरु तपाई विरुद्ध अदालत जान्छौ, उनले भने ।
गएको शुक्रबार राप्रपा अध्यक्ष लिङदेनले प्रतिनिधिसभामा आफ्नो धारणा राख्दै भाटभटेनीमा कांग्रेसका सहमहामन्त्रीको छोरा पनि पक्राउ परेको थियाे । तर गृहमन्त्रीको ठाडो आदेशमा सहमहामन्त्रीका छोरालाई तत्काल छाडेको भनेर प्रतिनिधिसभामा बताएका थिए । उनले राखेको अभिव्यक्तिको केही बेर नबित्दै केही मिडियाहरुले सहमहामन्त्री महेन्द्र यादवको छोरा पनि भाटभटेनी लुटपाटमा पक्राउ परेको भनेर खबर प्रकासित गरेका थिए ।
नेता यादवले आफ्ना दुई छाेरा डा. आकाश यादव र डा. विकास यादव छन् । मिडियाहरू मुकेश भनेर गलत भ्रामक समाचार प्रकाशन गरयाे । मानसिक तनाव र यसले गर्दा आफ्नो चरित्र हत्या भएकाले सरकारले तत्काल त्यसलाई कारवाही गर्नुपर्ने माग गर्दै नभए लिङ्दने विरुद्ध अदालत जाने चेतावनी दिए ।
उनले प्रतिनिधिसभामा गलत सूचना दिएर प्रतिनिधिसभा र जनतालाई भ्रमित गर्ने प्रयास गरेको नेता यादवले थपे ।
यसअघि लिङ्देनविरूद्ध धनुषामा कांग्रेसी कार्यकर्ताले हिजो मात्र जनकपुरधाम महेन्द्रनगर सडकखण्डको लक्ष्मीनियाँ बजारस्थित चक्काजाम गरेर लिङदेनको पुतला जलाएका थिए ।
साे पत्रकार सम्मेलनमा मधेश सरकारका ऊर्जा, सिचाई तथा खानेपानी मन्त्री शेषनारायण यादव, पुर्वमन्त्री रामसराेज यादव, कांग्रेस जिल्ला सभापति याेगेन्द्र पजियार, नेता बजरंग यादव लगायतका नेताहरूकाे उपस्थिति रहेकाे थियाे ।
यो विषयमा आफ्नो प्रतिक्रिया दिनुहोस् !