जनकपुरधाम, वैशाख ११ गते । गैर सरकारी संस्था (गैसस) महासंघ धनुषाले लोकतन्त्र दिवस मनाएकाे छ ।
सरकार पक्षले लोकतन्त्रलाई बिर्सेका अवस्थामा
गैससले देशले पाएको संघीय लोकतान्त्रिक गणतन्त्र पाएको दिनलाई लाेकतन्त्र दिवस मनाएर स्मरण गराएका छन् ।
प्रत्येक वर्ष लाेकतन्त्र दिवसकाे अवसरमा विभिन्न कार्यक्रम गर्दै आएकाे यश वर्षदेखि कार्यक्रम मनाउनु त के दिदै आएकाे सार्वजनिक विदा पनि सरकारले कट्टा गरेकाे छ ।
बिहीवार बेलुका १९ औं लोकतन्त्र दिवस जनकपुरधाममा दीप प्रज्वलन गरी गैसस धनुषाले विशेष रूपमा मनाएको छ । जनकपुरधामको जनक चोकमा आयोजित उक्त कार्यक्रम महासंघका अध्यक्ष संजय साहको अध्यक्षतामा सम्पन्न भएको थियो ।
लोकतन्त्र दिवसको अवसरमा आयोजित कार्यक्रममा गैर सरकारी संस्था महासंघ धनुषासँग आबद्ध उपस्थित विभिन्न पदाधिकारी तथा प्रतिनिधिहरूदे दिपप्रज्वलन गरी लोकतन्त्र दिवस मनाएको हो । दीप प्रज्वलनमार्फत लोकतन्त्रको सम्मान र संरक्षणप्रतिको प्रतिबद्धता जनाइएको कार्यक्रम आयोजकहरूले जनाएका छन् ।
सो कार्यक्रममा गैससका केन्द्रिय सचिव रामचन्द्र साह, गैससका सदस्यहरु धिरेन्द्र बहादुर सिंह, सतिशचन्द्र यादव, गैसस जिल्ला सदस्य चाँदनी झा, उन्नत नेपालका नागेन्द्र साह, पिपिसीका कमलेश मण्डल, एएसउनका विजय यादव, आसमान नेपालकी राखी झा, समाज विकास परियोजनाका रितिक यादव, सीएफडब्लूएका लक्ष्मेश्वर मण्डल लगायतका व्यक्तिहरुको उपस्थिति रहेको थियो ।
अध्यक्ष संजय साहले लोकतन्त्र स्थापनामा जनताको बलिदान र योगदानको स्मरण गर्दै गैरसरकारी क्षेत्रले लोकतन्त्र सुदृढ बनाउन भूमिका खेल्नुपर्नेमा जोड दिए । कार्यक्रममा सहभागीहरूले लोकतान्त्रिक मूल्य र अभ्यासलाई अझ मजबुत बनाउनुपर्नेमा जोड दिएका थिए ।
यो विषयमा आफ्नो प्रतिक्रिया दिनुहोस् !