जनकपुरधाम, चैत ८ गते । मधेश प्रदेशमा कार्यरत सिनियर अहेब र अनमीहरु मधेश प्रदेश सरकारले आफुहरूकाे स्तरबृद्धि रोकेको भन्दै आन्दोलित भएका छन् ।
स्थानीय सेवा ऐन २०८१ मा प्रदेश सरकारले समायाेजन भएर आएका स्वास्थ्यकर्मीका लागि राखेकाे प्रावधानका कारण स्तरबृद्धि रोकिएकाले आफूहरुलाई आन्दोलित हुनुपरेको सिनिर अहेव तथा अनमी संघर्ष समितिका संयोजक मोहन साहले बताए ।
उनले स्वास्थ्य सेवा ऐन २०५३ को संघिय ऐनमा रहेको शुरु नियुक्तिदेखि कम्तीमा दूई तहको स्तरबृद्धिको सामान्य सिद्धान्तलाई समेत प्रदेश सरकारले ल्याएको स्थानीय सेवा ऐनले तोडेको आरोप लगाए ।
मधेश प्रदेशको ‘स्थानीय सेवा ऐन, २०८१’ अनुसार तह मिलान र स्तर वृद्धिको व्यवस्था भएपनि संघीय र प्रदेशस्तरका निकायहरूले स्पष्ट निर्देशन नदिँदा अन्योलता बढेको उनले बताए ।
संघीय स्वास्थ्य सेवा ऐन २०५३को मर्मविपरीत हुने गरी, अन्य बाँकी ६ वटै प्रदेशमा नभएको व्यवस्था स्वास्थ्यकार्मीहरूको मनोबल कमजोर पार्ने अन्यायपूर्ण, विभेदकारी संसोधन प्रस्ताव तत्काल फिर्ता नलिएमा थप आन्दोलन उत्रिने चेतावनी उनले दिए ।
संघर्ष समितिका संयोजक साहका अनुसार स्थानीय सेवा ऐनमा सिनियर अहेव तथा अनमीहरुको हकमा बढुवा पछि मात्रै स्तरबृद्धिको व्यवस्था राखेर अन्याय गरिएको बताए । उनले यसकालागि पटक पटक विभिन्न निकायमा गएर ध्यानाकर्षण गराउँदा समेत कुनै सुनुवाई नभएको गुनासो पोखे ।
मधेस प्रदेशको १ सय ३६ वटै पालिकामा कार्यरत अहेव तथा अनमीमा कार्यरत स्वास्थ्यकर्मीहरुले आफ्नो माग पूरा गराउन दवाब स्वरुप मधेसको मुख्यमन्त्री, प्रदेशसभाका सभामुख तथा जिल्ला प्रशासन कार्यालय धनुषामा ज्ञापन पत्र समेत बुझाएका छन् ।
यो विषयमा आफ्नो प्रतिक्रिया दिनुहोस् !