जनकपुरधाम, माघ २८ गते । एसईई परिक्षाको पुर्व तयारीका लागि जनकपुरधामस्थित न्यू भीजन रेजिडेन्सल सेकेन्ड्री स्कुलले प्रत्येक वर्ष झै यस वर्षपनि एक महिने क्लोज्ड कैम्प कक्षा संचालनमा ल्याएकाे छ ।
आफ्नो विद्यालयबाट एसईई परिक्षामा सहभागी हुने विद्यार्थीहरुका लागि सोमवारदेखि एक महिने क्लोज्ड कैम्प कक्षा संचालनमा ल्याइएको विद्यालयका संस्थापक प्रिन्सिपल विश्वलाल सिंहले जानकारी दिएका छन् ।
सोमवार विहान विधिवत रुपमा सो क्लोज्ड क्याम्पको एक कार्यक्रमका बीच प्रमुख अतिथि कबीर बाल वातसल्य आश्रमका संचालक सत्यनारायण आलोकले नारियल फाेडेर उद्घाटन गरेका हुन ।
एक महिने सो क्लोज्ड कैम्पमा हरेक विषयको तयारी गराईनुका साथै टेस्ट परिक्षा समेत लिइनेछ भने प्रत्येक विषयमा प्राइटिक्ल बाहेक ७५ मार्कको विषयगतमा १५ मार्क गरि एक रिभाइज र त्यसको अघिल्लो ४० मिनेटको परीक्षा लिइ सोही रिजल्ट प्रकाशन गरि गल्तीविरूद्ध विद्यार्थीहरुलाई सल्लाह दिइने उनले जानकारी दिए ।
क्लोज्ड क्याम्पको २१ दिनपछि प्रत्येक विषयको ३ घण्टे परीक्षा लिने गरि ७ दिन थप तयारी गरिनेछ । कैम्प बिहान ६ बजेदेखि बेलुका ६ बजेसम्म संचालन हुनेछ भने सहभागीहरू खाना खाजाको व्यवस्था स्कुलबाटै गराइनेछ ।
उद्घाटन सत्रमा शिक्षिका एवं प्रशिक्षिका रीमा कर्ण, शिक्षिका कुन्ता पोखरेल, पत्रकार सुजित झा र सुभाष कर्ण लगायतका व्यक्तिहरूले आ आफ्ना धारणा राखेका थिए ।
यो विषयमा आफ्नो प्रतिक्रिया दिनुहोस् !