जनकपुरधाम, पुस २३ गते । आज बिहान नेपाल—चीन सीमाना तिब्बतको दिंगे कान्टी केन्द्रबिन्दु बनाएर गएको भूकम्पमा परी नेपालमा १४ घर ध्वस्त, १३जना घाइते भएकाे छ ।
सबभन्दा बढी बारा जिल्लामा घाइते भएकाे नेपाल प्रहरी प्रधान कार्यालयले जनाएकाे छ । प्रहरीका अनुसार मधेशका बारा जिल्लामा ११ जना, काठमाडाै र काभ्रेमा १/१ जना घाइते भएकाे छ । घाइते सबैलाई उद्धार गरि उपचारका लागि स्थानिय अस्पतालमा पुरयाएकाे छ ।
यस्तै साेलुखुम्भुमा ५, ओखलढुंगा र ताप्लेजुंगमा ३/३ वटा,
संखुवासभा, सिन्धुपाल्चाेक र रामेछापमा १/१ वटा गरि १४ वटा घर क्षतिग्रस्त भएकाे प्रहरीले जनाएकाे छ ।
बिहान ६ बजेर ५० मिनेट जाँदा कोशी, मधेस र वागमती प्रदेशका जिल्लाहरूमा भूकम्पकाे झटका महसुस गरिएको थियो। तिब्बतमा ७ रेक्टर स्केल र नेपालमा ५.३ रेक्टर स्केलमा भूकम्प आएकाे हाे । साे भूकम्पले तिब्बतमा याे समाचार लेख्दासम्म ५९ जनाकाे मृ्त्यु भइसकेकाे छ ।
नेपालमा संखुवासभा, भोजपुर, तेह्रथुम, ताप्लेजुङ, धनकुटा, खोटाङ्ग, ओखलढुङ्गा, सोलुखुम्बु, पाँचथर, इलाममा भूकम्पको कडा धक्का महसुस गरिएको थियो भने झापा, सुनसरी, मोरङ र उदयुपुरमा सामान्य धक्का महसुस गरिएको थियो।
यो विषयमा आफ्नो प्रतिक्रिया दिनुहोस् !