जनकपुरधाम, पुस २० गते । जल नै जीवनको उद्देश्य अनुरुप प्रत्येक मानिसको स्वच्छ खानेपानीमा अधिकार रहेको र त्यसलाई पूर्ति गर्न प्रदेश सरकार काम गर्दै आएको मधेश प्रदेश सरकारका ऊर्जा, सिचाई तथा खानेपानी मन्त्री शेष नारायण यादवले बताएका छन् ।
शनिवार धनुषाको मिथिला नगरपालिका वडा नम्बर ८ स्थित जमुनीवासमा आयोजित खानेपानी तथा सरसफाई उपभोक्ता समितिको तेश्रो साधारण सभालाई सम्बोधन गर्दै मन्त्री यादवले यस्तो बताएका हुन् ।
उनले भने १० औं दिनसम्म खाना नखाएर मान्छे बाच्न सकिन्छ । तर पानी नखाएर एक दिनपनि बाच्न सक्दैन । प्रदेशमा शुद्ध खानेपानी आपूर्तिको कहाली लाग्दो अवस्था रहेपनि प्रदेश सरकारले भ्याएसम्म क्षमता अनुसार खानेपानीमा जनताको पहुँच बनाउंदै गएको छ ।
मन्त्री यादवले जमुनीवास खानेपानी तथा सरसफाई उपभोक्ता समितिको स्तरोन्नति र व्यवस्थित तरिकाल बढीभन्दा बढी खानेपानी संकलनमा सहजताका लागि तत्कालै ओभरहेड जडान गराउने प्रतिबद्धता जनाए ।
उनले ओभरहेड बाहेक आउंदो आर्थिक वर्षको बजेटमा नाला र भवन सहितका खानेपानीको अन्य संरचनाका लागि बजेट व्यवस्थापन गर्ने प्रतिबद्धता समेत जनाए । यसका साथै उनले आफू मन्त्री रहेसम्म खानेपानी आभाव रहेका हरेक वडामा खानेपानीको व्यवस्थापन गर्ने बताए ।
कार्यक्रममा प्रमुख अतिथि नेपाली कांग्रेसका सह महामन्त्री एवं पूर्व मन्त्री महेन्द्र यादवले खानेपानीमा दलीय राजनीति नगर्न आग्रह गरे । उनले भने आफू मन्त्री रहेको यस मिथिला नगरपालिकाका अधिकांश वडामा खानेपानीको व्यवस्था गराएका थिए । नेता यादवले यस क्षेत्रमा रहेका खानेपानी, विद्यालय भवन र नाला लगायतका समस्या समाधान गर्न पहल गर्ने प्रतिबद्धता जनाए ।
उनले तपाईले जिताएको प्रतिनिधि जितेपछि तपाईको हालखबर सोध्न कति पटक आए प्रश्न गर्दै स्थानीयसँग भने आफू नजितेपनि यो गाउँसँगै क्षेत्रका हरेक ठाउँमा जनताको हालखबर र समस्या बारे जानकारी लिदैं आएका छौं । र हुन सक्ने जतिको पहल समस्या समाधानका लागि गर्दै आएको । आफूलाई सेवाको मौका पटक पटक आग्रह गरे ।
समितिका अध्यक्ष शान्ता देवी लामाको अध्यक्षतामा सम्पन्न साधारण सभामा जग्गादाता अनारदेवी महतो, मनतोरिया देवी महतो र ज्ञानबहादुर थिङलाई प्रमुख अतिथि नेता महेन्द्र यादव र विशिष्ट अतिथि मन्त्री यादवले दोसल्ला ओढाई सम्मान गरेका थिए ।
यो विषयमा आफ्नो प्रतिक्रिया दिनुहोस् !