जनकपुरधाम, पुस १७ गते । सडक दुर्घटनामा परी घाइते भई सडकमा छटपटाई रहेकालाइ उद्धार गरी मधेश सरकारका उर्जा, सिचाई तथा खानेपानी मन्त्री शेष नारायण यादवले आफ्नै गाडीबाट अस्पताल पुरयाएका छन् ।
बुधवार मन्त्री यादव आफ्नाे गृह गाउँ लक्ष्मिनिया गाउँपालिकाको बनिगमाबाट मन्त्रालय आइरहेमाे क्रममा जनकपुरधामस्थित बाबाको ढाबा होटल नजिक सडक दुर्घटनामा परी घाइते भएका विवेक राय अमात्य र आयुष पाठकलाई उद्धार गरी उपचारका लागि आफ्नो गाडीले अस्पताल पुरयाए ।
तिव्रगतिमा गइरहेको एक स्कार्पियोले स.८ प. ३०५७ नम्बरको मोटर साइकलमा ठक्कर दिदा मोटर साइकल चालक विवेक राय अमात्य र पछाडि बसेका आयुष पाठक गम्भीर घाइते भएको थियो ।
घटना पश्चात १०/१५ मिनेटसम्म गाडी नपाई घाइते सडकमै छटपटाइ रहेकोे अवस्थामा मन्त्री यादवले गाडीबाट तुरन्त झरेर तिनीहरुलाई उद्धार गरी प्रहरीको सहयोगमा प्रादेशिक अस्पताल पुरयाएको थियो ।
मन्त्री यादवले भने आफू घरबाट आइरहेको क्रममा सडकमा दुई घाइते छटपटाई रहेको थियो, कुनै गाडीवालाले सहयोग गरिरहेको थिए भने त्यही बेला आफू पुगेपछि मानवताको नाताले तुरुन्त गाडीबाट झरेर तिनीहरुलाई उद्धार गरी लक्ष्मिनिया प्रहरी चौकीको सहयोगमा आफ्नै गाडीमा बसाएर उपचारका लागि अस्पताल पुरयाए । ठक्कर दिने स्कार्पियाे नम्बर खुल्न नसकेकाे लक्ष्मिनिया प्रहरी चाैकीले जनाएकाे छ ।
यो विषयमा आफ्नो प्रतिक्रिया दिनुहोस् !