जनकपुरधाम, पुस ८ गते । नेपाल प्रिमियर लिग (एनपीएल) को फाइनल म्याचको समाप्तिपछि काठमाडौंको कीर्तिपुर मैदानमा मधेशी युवाहरुलाई लक्षित गरी आक्रमण गरिएको भन्दै जनकपुरधाम र सिरहाको मिर्चैयामा स्थानीय युवाहरुले गृहमन्त्री रमेश लेखको पुत्ला दहन गरेको छ ।
एनपीएलको फाइनल खेलपछि काठमाडौंमा विजय उत्सव मनाइरहेका बेला जनकपुर बोल्टस् समर्थक मधेशी समुदायलाई लक्षित गरी केही युवाले अपमानजनक शब्द प्रयोग गर्दै कुटपिट गरेको घटनाप्रति राज्य गम्भीर नभएको भन्दै सोमबार जनकपुरधामको भानुचोक र मिर्चौयामा गृहमन्त्रीको लेखकको पुत्ला दहन गरेको हो ।
प्रहरी प्रशासनकै अगाडि मधेशी युवालाई खोजी खोजी आक्रमण गर्दा प्रहरीले गम्भीरता नदेखाई उल्टै मधेशी युवाहरुलाई नै घटनास्थलबाट पक्राउ गरी नश्लीय विभेद गरेको भन्दै प्रदर्शनकारी युवाहरुले गृहमन्त्री मुर्दाबाद, प्रधानमन्त्री मुर्दाबाद नश्लीय विभेद बन्द गर, मधेशीलाई विदेशी होइन नेपाली नागरिक सरह व्यवहार गर लगायतका चर्को नाराबाजी समेत गरेका छन् ‘
उनीहरुले नश्लीय त्यस्ता गतिविधि गर्ने व्यक्तिहरुको पहिचान गरी कारबाही गर्न राज्यले उदासिनता देखाएको र नेपालका शासक तथा राज्य कति नश्लीय एवम् रंगभेदी छ भन्ने कुराको प्रमाण यस घटनाले पुष्टि गरेको एक प्रदर्शनकारी युवाले बताए ।
उनले संसद्, सरकार, अदालत, सेना, प्रहरी, कर्मचारी र शासकवर्ग सबै नश्लीय भएको र त्यहाँ एउटा पार्टीले मात्र संघर्ष गर्दैमा नपुग्ने बताएका छन् । स्थानीय भानुचोकमा आयोजित विरोध प्रदर्शन कार्यक्रममा विभिन्न राजनीतिक दलमा आवद्ध नेता कार्यकर्ताहरुको पनि सहभागिता रहेको थियो ।
गत शनिबार सुदूरपश्चिम रोयल्स र जनकपुर बोल्ट्सबीचको फाइनल खेल सकिएपछि सर्लाहीको बलरा नगरपालिका १० निवासी हाल काठमाडौस्थित दरबार हाइ स्कुलमा कक्षा १२ मा अध्ययनरत अमनकुमार सिंह माथि संघातिक आक्रमण गरी घाइते बनाएको थियो । सो घटनामा अमनको दुईटै हात भाँचिएको थियो । हाल उनी उपचाररत अवस्थामा रहेको छ ।
यसैबीच चौतर्फी दबावपछि प्रहरीले सोमवार हुलदंगा गरेको आरोपमा डोटीको आदर्श गाउँपालिका घर भएका २१ वर्षीय अशोक साउद र दिपायल सिलगढी नगरपालिका घर भएका १८ वर्षीय गणेश साउद रहेका छन् । प्रहरीले पक्राउ गरेपनि घटना ढाकछोप गर्नमा जुटेका छन् । प्रहरीले अमनमाथि खेलको क्रममा आक्रमण नभएको र उनी खेल सकिनुअघि नै अस्पताल भर्ना भएको निष्कर्ष निकालेका छन् ।
यो विषयमा आफ्नो प्रतिक्रिया दिनुहोस् !