जनकपुरधाम, मंसिर २० गते । महोत्तरीको मटिहानी नगरपालिकाले अपाङ्ग दिवसको अवसरमा नगरपालिकाका १८ जना अशक्त अपाङ्गता भएका व्यक्तिहरुलाई ह्वील चेयर वितरण गरेका छन् ।
नगरपालिकाको महिला बालबालिका तथा ज्येष्ठ नागरिक शाखाको समन्वयमा पालिकाभित्रका १८ जना शारीरिक अपाङ्गता भएकाहरुलाई ह्वील चेयर वितरण गरिएको हो । नगरप्रमुख हरिप्रसाद मण्डलले अपाङ्गता भएका व्यक्तिहरुलाई समेत आफ्नो काममा सहयोग हेतुले चेयर वितरण गरिएको जनाएको छ ।
ह्वील चेयर पाएकाहरुले खुशी व्यक्ति गर्दै चेयर अभावमा आवश्यक काम पर्दा बाहिर जान धेरै अप्ठयारो बेला नगरपालिकाले ह्वील चेयर दिएपछि आफ्नो काममा सहजता हुने भन्दै नगरपालिकालाई धन्यावद ज्ञापन समेत गरेका छन् ।
भारतको अयोध्याबाट आएका जन्तीहरुको स्वागतमा व्यस्तता रहेकोकारण नगरपालिकाले दुई ढिलो गरी ३३ औ अन्तर्राष्ट्रिय अपाङ्ग दिवस मनाउन मनाएको हो ।
नगरप्रमुख मण्डलले लैङ्गिक हिंसा दिवसको १६ दिने अभियान चलिरहेकोले दुई दिन ढिला भएपनि नगरपालिकाका अपाङ्गता भएका व्यक्तिहरुलाई ह्वील चेयर वितरण गरिएको जानकारी दिएका छन् ।
सो कार्यक्रममा मटिहानी नगरपालिका अपाङ्ग समन्वय समितिका अध्यक्ष एवम् नगर उपप्रमुख मञ्जुदेवी साह, वड़ा नं. ६ का वडाध्यक्ष कलीम अंसारी, वडा नं. ७ का वडाध्यक्ष जितनारायण माझी, वडा नं. ८ का वड़ाध्यक्ष मदन चौधरी, लोसपा केन्द्रीय सदस्य रामकुमार मण्डल, नगर अध्यक्ष श्यामकुमार मण्डल, महिला बालबालिका तथा ज्येष्ठ नागरिक शाखाका शाखा प्रमुख दीपा दासलगायतका व्यक्तिहरुले आ आफ्नो धारणा राखेका थिए ।
यो विषयमा आफ्नो प्रतिक्रिया दिनुहोस् !