जनकपुरधाम, कातिक १७ गते । उपमेयरकाे व्यक्तिगत स्वार्थकाे कारण गत ४ महिनादेखि नगरपालिका ठप्प रहेकाे नगराईन नगरपालिकाका मेयर विनय यादवले आराेप लगाएका छन् ।
शनिवार एक पत्रकार सम्मेलन आयाेजना गरी मेयर यादवले भने उपमेयर राधा देवी यादवलाई भने अनुसार कानून विपरितकाे बजेट नदिएकाे कारण नगरपालिकालाई असफल गराउन तालाबन्दी गराई उनले ठप्प पारेकाे आराेप लगाए ।
विवाद किन ?
मेयर यादवले भने गत वर्ष झै यश वर्षपनि पालिकाकाे सर्वदलीय बैठकबाट हामी उनकाे माग अनुसार बजेट माैखिक रूपमा दिन तयार छाै, तर उनले माननीय जुली महताेकाे उक्साहटमा कानून नै संशाेधन गरि नगरस्तरीय बजेटमा भागबण्डाकाे हिसाबले बजेट माग गरिरहेकाले नदिएपछि एमालेका सम्पुर्ण बाे्ड सदस्यलाई प्रभावमा पारेर नगरपालिका ठप्प पारेकाे हाे ।
कानूनमा नगरस्तरीय बजेटकाे उपभाेक्ता समिति मेयर वा मेयरले ताेकेकाे प्रतिनिधिकाे राेहबरमा गठन हुनुपर्ने व्यवस्था छ । तर उपमेयरले साे संशाेधन गरि उपमेयर समेत थप्नुपर्ने भनी संशाेधनकाे मांग गर्दै आएका छन् ।
पालिकाकाे स्थानीय तह प्रशासकीय कार्यविधिकाे “दफा ४ (ग) वडा स्तरीय योजना बाहेक अन्य आयोजना संन्चालनको लागि उपभोक्ता समिति गठन गर्दा नगर प्रमुखले तोकेको कार्यपालिका सदस्य वा कार्यालयको प्रतिनिधिको रोहवरमा गर्नु पर्नेछ” भन्ने व्यवस्था रहेकाे छ ।
गत वर्षपनि बजेट बांडफांड विवादकै कारण ९ महिनासम्म नगरपालिका ठप्प रहेकाे थियाे । अन्त्यमा उपमेयरलाई भने अनुसारकाे बजेट उनलाई र एमाले वडाध्यक्षहरूलाई दिएपछि नगरपालिका संचालन गर्न दिएकाे थियाे । तर यसवर्ष चाहिँ कानुन संशाेधन गरि बजेट माग उपमेयरले गरिरहेकी छिन ।
नगरसभाबाट बजेट पारित हुन नसक्दा नगराइन नगरपालिकामा विकास निर्माणका कामदेखि कर्मचारी, स्वास्थ्यकर्मी तथा शिक्षकहरुले समेत विगत ४ महिनादेखि तलब पाउन सकेका छैनन् । नगरप्रमुख यादवले भने ‘नगरमा विकास भयो भने त्यसको श्रेय नगरप्रमुखलाई जाने भ्रम एमालेका साथीहरुलाई छ, त्यो भ्रमबाट निस्किन म एमालेका साथीहरुलाई आग्रह गर्न चाहन्छु ।’
असार १० गते नगरसभा गर्नेमा सबै सहमत थिए, हामी नगरसभाकालागि समयमै पुगि सकेका थियौँ, उनले अगाडी भने ‘नगरसभा गर्ने सहमति गरेर एमालेका साथीहरु त्यो दिन नआइदिदा नगरसभा नै प्रभावित भएको थियो ।’ त्यसपछि पनि पटक पटक नगरसभाकालागि आग्रह गर्दा समेत एमालेबाट निर्वाचित जनप्रतिनिधिहरु नगरसभाकालागि तयार नभएको उनले आरोप लगाए ।
नगरप्रमुख यादवले भने एमालेका जिल्ला तहका नेतालाई समस्या समाधानका लागि पटक पटक आग्रह गर्दा माननीय महताे सहितका एमालेका उच्च तहका नेताहरुको प्रभाव रहेकाे कारण केही गर्न नसक्ने जवाफ दिइरहेकाे छ ।
नगराइन नगरपालिकाको १९ सदस्यीय कार्यपालिकामा १३ जना एमालेका जनप्रतिनिधि छन् भने कांग्रेसको ५ र १ जना लोसपाका जनप्रतिनिधि रहेका छन् ।
उपमेयर पनि भन्छिन : बजेट चाहियाे
यता उपमेयरले पनि बजेट नपाएकै कारण पालिका ठप्प पारेकाे स्वीकार गरेका छन् । उपमेयर यादवका स्वकिय सचिव भन्ने उनका श्रीमान रामचन्द्र यादवले नगरस्तरीय बजेट मेयरले चलाउन सक्छ भने उपमेयरले किन चलाउन सक्दैन, मेयरले सबै बजेट आफै चलाउन खाेजिरहेकाले विवाद उत्पन्न भएकाे हाे ।
उनले थप्दै भने गत वर्षपनि सर्वदलीय बैठकबाट आधा/आधा बजेट मेयर/उपमेयर चलाउने सहमति भएकाे थियाे । तर यसपटक दिन नमानिरहेकाले पटक पटक विवाद नहाेस भनने उद्देश्यले हामीले कानून संशाेधन गरि व्यवस्थापनकाेमाग गरिरहेका छाै ।
उनले भने हामीले २०७६ मा संशाेधन भएकाे कार्यविधि खारेज गरि २०७४ मा व्यवस्था रहेकाे कानून कार्यान्वयनकाे माग गरिरहेका जसमा उपमेयरसहित सम्पुर्ण कार्यपालिका सदस्यकाे सहमतिकाे व्यवस्था छ ।
यो विषयमा आफ्नो प्रतिक्रिया दिनुहोस् !