जनकपुरधाम, असोज २२ गते । ऊर्जा, सिचाई तथा खानेपानी मन्त्री शेष नारायण यादवले बाढीले क्षतिग्रस्त भएका धनुषाको लक्ष्मिनिया गाउँपालिका ३ स्थित कंचनवन गजरिया सिचाई आयोजना तत्काल मरम्मत सम्भार गर्न निर्देशन दिएका छन् ।
बाढीले क्षतिग्रस्त हुन पुगेका गजरिया स्थित सो सिचाई आयोजनाको मंगलवार निरिक्षण गर्दै उनले मन्त्रालय मातहतका जलश्राेत तथा सिचाई विकास डिभिजन कार्यालयलाई यस्ताे निर्देशन दिए ।
प्राविधिक टोली सहित निरिक्षण गरेका मन्त्री यादवले हजारौ किसानले सेवा पाउंदै आएका सो आयोजनाको तत्काल मरम्मत सम्भार गरिने निरिक्षणमा सहभागी स्थानीय किसानसंग प्रतिबद्धता समेत जनाए ।
निरिक्षण टोलीमा रहेका जलश्रोत तथा सिचाई विकास डिभिजन कार्यालय जनकपुरधामका प्रमुख श्याम साफीले भने बाढीले गर्दा नहरको हेडवर्क कल्भर्ट, लाईनिंग गरिएका कुलो पौनी समेत क्षतिग्रस्त भएकाले तत्काल पूर्ण रुपमा मरम्मत सम्भार गर्न ठूलो रकम लाग्ने भएकाले दुई चरणमा काम गर्नुपर्ने अवस्था रहेको छ।
मन्त्री यादवले यो नहरबाट करीब एक दर्जन गाउँका किसानहरुले लाभ लिंदै आएकाले प्राथमिकताको आधारमा काम गर्नुस प्रमुख साफीसंग भने । उनले थप्दै भने ` ठूलो बजेटको योजना भएकाले तत्काल काम संचालन हुने गरि पहिलो चरणमा मरम्मत सम्भार गर्नुस, अर्को वर्ष नयाँ कुलो पैनीको नयाँ लाइनिँग र आवश्यक थप कल्भर्ट निर्माण दिर्घकालिन रूपमा पुर्ण रूपमा संचालन हुने इस्टिमेट गरी कार्य अघि बढाउनुस् ।´
चार किलोमीटरभन्दा बढी क्षेत्र क्षेत्रमा मूल नहर नै फैलिएको र अन्य शाखा पैनी १०/१५ किलोमीटरभन्दा बढी भएका नहर बाढीले गर्दा पूर्ण रुपमा नै क्षतिग्रस्त भएकाे छ । क्षतिग्रस्त भएकाका आयाेजनाकाे मूल नहरको पूछार, शाखा रुपमा निकालिएका पैनीकुलो, स्ट्रक्चर, ईडिभिजन बक्स, कल्भर्टहरु पुनःनिर्माण र नयाँ लाईनिँग (शाखा नहर पैनी कुलो) नयाँ निर्माण नै गर्नुपर्ने अवस्था रहेको प्रमुख साफीले बताए ।
गजरियामा रहेका सो सिचाई आयोजनाको नहर तथा शाखा कुलोपैनीबाट लक्ष्मिनिया गाउँपालिकाको वडा नम्बर १, २ र ३ सहित सोहनी सिनुरजोडा, बनिगमा, कुर्था, बिसविट्टी, जनकपुरधामको पिडारी हुदै मुजेलियासम्मको करीब एक दर्जन गाउँका किसानहरुले सेवा पाउंदै आएका थिए । ३/४ हजार विग्घाभन्दा बढी जग्गामा सिचाई पुरयाउंदै आएका सो नहर क्षतिग्रस्त भएपछि किसानहरु मार्कामा परेकाे छ ।
करीब ७/८ वर्ष निर्माण गरिएका सो आयोजना तात्किाललन सिचाई आयोजना कार्यालयबाट सञ्चालन हु्ँदै आएको थिए । हाल गत ३ वर्षदेखि उपभोक्ता समितिमार्फत सञ्चालन हुँदै आएपनि बाढीले क्षतिग्रस्त हुँदा हाल सिचाई सुविधा अवरुद्ध रहेको छ ।
गजरिया सिचाई आयोजनासँगै मन्त्री यादवले आफ्नाे गृह गाउं बनिगमामा दुधमती नदी पैनी खनेर बनाइएका क्षतिग्रस्त साना नहरकाे समेत निरिक्षण गरेका छन् । ती नहरमा नयाँ कल्भर्ट निर्माण गरी दुधमति सिचाई आयोजनासँग जोड्ने गरि इस्टिमेट बनाएर काम अघि बढाउन मन्त्री यादवले प्रमुख साफीलाई निर्देशन समेत दिए ।
साे नहरबाट ४/५ वटा गाउँका किसानहरुले विगतमा सिचाई सुविधा लिंदै आएका थिए । तर संरक्षण आभाव र बाढीले गर्दा केही वर्षदेखि पूर्ण रुपमा क्षतिग्रस्त नै भएकाले सयौं किसानहरु मार्कामा परेकाे हाे ।
सो निरिक्षण टोलीमा मन्त्री यादव र प्रमुख साफीसँगै डिभिजन कार्यालयका ओभरसियर जयकुमार साह, वडा नं. २ का अध्यक्ष तेजनारायण यादव, सिचाई आयोजना उपभोक्ता समितिका जितेन्द्र यादवसहितका पदाधिकारी, नेपाली कांग्रेसका नेता घनश्याम यादव, राजकुमार यादव, सचिवालयका दिपक यादव, सरोज नायक, राजेश यादव लगायत स्थानीय किसानहरूको सहभागिता रहेको थियो ।
यो विषयमा आफ्नो प्रतिक्रिया दिनुहोस् !