जनकपुरधाम, असोज १६ गते । बाढी प्रभावित प्रदेशवासीको पीडा बुझ्न मधेश प्रदेश सरकारका उर्जा, सिचाई तथा खानेपानी मन्त्री शेषनारायण यादव अहरोत्र खटेका छन् ।
उनले पछिल्लो साता बाढी आएपछि आइतवारदेखि नै बाढी प्रभावित क्षेत्रको क्षतिग्रस्त तटबन्ध र त्यसबाट जोखिममा परेका नागरिकको अवस्था बुझ्न प्राविधिक टोलीसहित निरिक्षण थालेका छन् । हिलो र पानीको परवाह नगरी मन्त्री यादवले नाँगै खुट्टा समेत दिउंसोदेखि रातिसम्म निरिक्षण गरिरहेका छन् ।
बुधवार मन्त्री यादवले धनुषाको गणेशमान चारनाथ र धनुषाधाम नगरपालिकाको बाढी प्रभावित क्षेत्रको निरिक्षण गरेका छन् । धनुषाधाम नगरपालिका वडा नम्बर १ को मुङराहा र ३ को सिकियाहा टोलमा बाढीले क्षति पुगेको क्षेत्रमा निरिक्षण गरेको छ । सो क्षेत्रमा बाँध भासिएकाले कयौ विग्घा खेतियोग्य जग्गामा क्षति पुगेको छ भने वस्ती समेत जोखिमा परेका छ ।
मन्त्री यादवले निरिक्षण गर्दै बाँध नियन्त्रण गर्न मातहतका कार्यालय जलश्रोत तथा सिचाई विकास डिभिजन कार्यालय निर्देशन दिंदै तत्कालै यसको व्यवस्था गरिने प्रतिबद्धता स्थानीयसँग गरेका छन् ।
यसैगरी गणेशमान चारनाथ नगरपालिकाको वडा नम्बर ३ जुरी टोलमा बाढीले क्षति पुरयाएको क्षेत्रको अनुगमन समेत उनले गरेका छन् । सो क्षेत्रमा बाढीले कयौ विग्घा जग्गा कटान गर्नुको साथै नदीको मुहान नै बालुवा गिट्टीले भरिएको छ । उनले नगरपालिका प्रमुखलाई तत्काल मुहान सफा गराउन र प्राविधिक टोलीलाई मुहान सफा भए लगतै तारजालीले व्यवस्थापन गर्न निर्देशन दिए ।
सो निरिक्षण टोलीमा मन्त्री यादवसँगै प्रदेश सांसद संजय महतो, धनुषाधामका नगर प्रमुख बालेश्वर मंडल, गणेशमान चारनाथ नगरपालिकाका मेयर जीतनारायण यादवसहित वडाध्यक्षहरु, कांग्रेस नेता घनश्याम यादव, विनोद यादव र प्राविधिकको तर्फबाट जलश्रोत तथा सिचाई विकास डिभिजन कार्यालय जनकपुरधामका श्याम सार्फी लगायतका व्यक्तिहरुको सहभागिता रहेको थियो ।
यो विषयमा आफ्नो प्रतिक्रिया दिनुहोस् !