जनकपुरधाम, असोज १५ गते । बाढीको कटानले जोखिममा परेका वस्ती र जग्गा प्राथमिकता र आवश्कताको आधारमा तत्काल बचाउन मधेश प्रदेश सरकारका उर्जा तथा सिचाई मन्त्री शेष नारायण यादवले मातहतका निकायलाई निर्देशन दिएका छन् ।
मंगलवार धनुषाको मिथिला नगरपालिकाका विभिन्न वडाको बाढी प्रभावित क्षेत्रको निरिक्षणको क्रममा मन्त्रालय मातहतका जलश्रोत तथा सिचाई विकास कार्यालयलाई निर्देशन दिएका हुन ।
प्राविधिक टोलीसहित मन्त्री यादवले मिथिला नगरपालिकाको वडा नम्बर २, ९ र ११ को बाढीले क्षतिग्रस्त खोलाका तटबन्धहरुको निरिक्षण गरेका छन् ।नगरपालिकाको वडा नम्बर २ स्थित सुखजोर टोलमा बसही खोलाले गरेको तटबन्ध कटानका कारण दुई दर्जनभन्दा बढी घरसहितको वस्ती जोखिममा परेका छन् ।
अबिरल वर्षापछि खोलामा आएको बाढीले करीब दुई सय मीटर तटबन्ध कटान गर्दा सा तटबन्ध माथि रहेका वस्ती जोखिममा परेको हो । अब बाढी आए ती घरहरू कुनैपनि बेला भांसिएर बग्न सक्ने अवस्था रहेको छ ।
निरिक्षणको क्रममा मन्त्री यादवले प्राविधिक टोलीमा रहेका डिई श्याम साफीलाई जोखिममा रहेका वस्ती बचाउन तत्काल एक साताभित्रै तटबन्ध पुरेर र तारजाली सहितको व्यवस्था गर्न निर्देशन दिए । बाढीले सो वस्तीमा रहेका नवनिर्मित मन्दिर समेत बगाएर लगेका छन् ।
यस्तै नगरपालिकाको वडा नम्बर ९ बेंगाडावरमा औरही खोलाले क्षति पुरयाएका खम्बा सिंह टोल र पोखरी टोलमा समेत तटबन्धको निरिक्षण गरेका छन् । औरही खोलामा आएको बाढीले बालुवाले मुहान ढाकिएका कारण बाढीको पानी बाटो परिवर्तन गर्दा करीब दुई विग्घा जग्गा नै कटान गरेको छ ।
मन्त्री यादवले नगरपालिकाका मेयर महेन्द्र महतोलाई मन्त्रालयबाट चाहिने सहयोग लिएर पानीको निकास दिन तत्काल बालुवा गिटी हटाएर मुहान खाली गराउन निर्देशन दिए ।
सोही क्रममा वडा नम्बर ११ स्थित लोटा, लामा, डांडा, जुटपानी र बाहुनमारा टोलको बाढी प्रभावित क्षेत्रको समेत मन्त्री यादवले निरिक्षण गरेका छन् । लोटा खोला, लामा खोला र मानकी खोलामा आएको बाढीले ३÷४ विग्घा खेती योग्य जग्गा नै कटान गरेको छ भने अब कटान गरे १० विग्घाभन्दा बढी जग्गा सहित वस्ती क्षेत्र समेत जोखिममा पर्नेछ ।
मन्त्री यादवले प्राविधिक टोलीले नापजोख गरी क्षतिग्रस्त क्षेत्रको यकिन गरी दिएको विवरणको आधारमा तत्कालै तारजालीले व्यवस्थापन कार्य अघि बढाउने स्थानीयलाई प्रतिबद्धता जनाए ।
सो निरिक्षण टोलीमा मन्त्री यादवसँगै मेयर महतो, प्रदेश सांसद कुमरकान्त झा, कांग्रेस किसान संघ धनुषाका अध्यक्ष श्याम यादव, क्षेत्रिय सभापति योगनारायण यादव, कांग्रेस नेता घनश्याम यादव लगायतका व्यक्तिहरुको सहभागिता रहेको थियो ।
यो विषयमा आफ्नो प्रतिक्रिया दिनुहोस् !