जनकपुरधाम, असोज १० गते । बलत्कार आरोपमा जनकपुरधाम उपमहानगरपालिकाका दुई जना नगर प्रहरी पक्राउ परेका छन् ।
मंगलवार सांझ जनकपुरधाम रेलवे स्टेशन क्षेत्रका एक १७ वर्षिय नाबालिकलाई बलत्कार गरेको घटनाको अनुसन्धानको तिनीहरुलाई पक्राउ गरिएको हो ।
घटनामा सिकिस्त भएकी पिडीतको उपचार जनकपुरधामस्थित एक अस्पतालमा भइरहेको जनाइएको छ । घटनामा तीन चारजना संलग्न रहेकोमा एक जनालाई घटनाको भोली पल्ट र एकजनालाई हिजो सांझ पिडीतका बुवाले दिएको जाहेरीको आधारमा धनुषा प्रहरीले पक्राउ गरेको हो ।
घटनाको अनुसन्धानको क्रममा नियन्त्रणमा लिइएका दुवै जना जनकपुरधाम उपमहानगरपालिकाको नगर प्रहरी नै रहेको जिप्रका धनुषाका डिएसपी रन्जन अवाले पनि स्वीकारे । तर उनले नियन्त्रणमा लिइएकाहरुको नाम चाहिं अनुसन्धानमा प्रभाव पर्न सक्ने भनेर खुलाएनन् ।
प्रहरीले पक्राउ पर्नेहरुको नाम नखुलाएपनि जनकपुरधाम उपमहानगरपालिका वडा नम्बर १२ का बब्लु महतो र वडा नम्बर १७ घर भएका बिजेन्द्र राउत रहेको बुझिएको छ । बिजेन्द्रलाई ड्युटीमै खटिएका बेला उपमहानगरको कार्यालय र बब्लुलाई घरबाट जिल्ला प्रहरी कार्यालय धनुषाले पक्राउ गरेको हो ।
पक्राउ परेकाहरु पछिल्लो पटक केही महिनाअघि नगर प्रहरीमा नियुक्त भएका थिए । फरार रहेका अन्य आरोपित पनि नगर प्रहरी नै हुन सक्ने आशंका गरिएको छ ।
यो विषयमा आफ्नो प्रतिक्रिया दिनुहोस् !