जनकपुरधाम, भदाै ३० गते । जनकपुरधाम उद्योग वाणिज्य (जउवा) संघको महासचिवमा फुलदेव पण्डित विजयी भएकाे छ । उनी ७९४ मतकाे मतान्तरले विजयी भएका हुन् ।
आइतवार सांझ मतगणनामा पण्डितले १ हजार ५८३ मत ल्याएका छन भने उनका निकटतम प्रतिद्वन्दी सुधीर पजियारलाई ७८९ मत आएको छ । महासचिवमा तेस्रो भएका अशोककुमार चौधरीलाई ६१९, चौथो भएका गणेशप्रसाद साहलाई ५०५ मत आएको छ ।
यसैगरी सचिवमा नरेन्द्रविक्रम साह निरज र कोषाध्यक्षमा परमेश्वर साह आशा निर्वाचित भएको जानकारी निर्वाचन समितिका संयोजक ललित साहले दिएका छन् ।
निरजले १ हजार ३९६ मत ल्याएको छ भने उनका निकटतम प्रतिद्वन्दी गोपीकुमार साह चन्दनलाई ९४१, राकेश पजियारलाई ७३५ र श्रवणकुमार साहलाई ४२४ मत आएको छ ।
यसैगरी कोषाध्यक्षमा परमेश्वर साह आशाले १ हजार ४४३ मत ल्याई विजयी भएका छन् । उहाँको निकटतम प्रतिद्वन्दी मनोजकुमार शर्मालाई ९४८ मत, राकेशकुमार साहलाई ६७१ र रामचन्द्र पजियार करणले ४१२ मत आएको छ ।
यसअघि अध्यक्षमा सुरेन्द्र भण्डारी, वरिष्ठ उपाध्यक्षमा मनोज साह दबाइवला र महिला उपाध्यक्षमा रिंकु साह विजयी भएका थिए ।
यो विषयमा आफ्नो प्रतिक्रिया दिनुहोस् !