जनकपुरधाम, भदौ ३० गते । जनकपुरधाम उद्योग वाणिज्य संघको नयाँ नेतृत्वका लागि होटल व्यवसायी सुरेन्द्र भण्डारी विजयी भएको छ ।
शनिवार सम्पन्न अध्यक्षमा भण्डारीसहित बरिष्ठ उपाध्यक्षमा मनोज साह र महिला उपाध्यक्षमा रिंकु साह विजयी भएको छ भने उपाध्यक्षमा लक्ष्मण साह यसअघि नै निर्विरोध निर्वाचित भइसकेको छ छ । यस्तै महासचिवमा फुलदेव पण्डित, सचिवमा नरेन्द्र विक्रम साह निरज र कोषाध्यक्षमा परमेश्वर साह आशा विजयी भएको छ ।
आइतवार सम्पन्न पदधिकारीहरुकोे मतगणनामा भण्डारीले १ हजार ६४४ मत ल्याई ७२ मतको मतान्तरले विजयी भएको हो । उनका निकटतम प्रतिद्वन्दी मनिषरमण साहले १ हजार ५७२ मत र तेस्रो भएका जीतेन्द्रप्रसाद साहलाई २९३ मत ल्याएको थियो । उपाध्यक्षमा विजयी भएका मनोजले १ हजार ८११, अम्भुप्रसाद साहले १ हजार १२६ मत, विकाशकुमार चौधरीले ५५० मत ल्याएको छ ।
महिला उपाध्यक्षमा विजयी भएका रिंकुलाई १ हजार ६ सय मत, उहाँका निकटतम प्रतिद्वन्दी मायाकुमारी साहलाई १ हजार १४४ र सरिता ठाकुरलाई ७५५ मत परेको छ । यसैगरी एशोसिएट सदस्यमा अभिषेक चौधरी १२५ मत ल्याई विजयी भएका छन् । उहाँका निकटतम प्रतिद्वन्दी दिपककुमार साहलाई ६० मत आएको थियो ।
महासचिवमा विजयी भएका पण्डितले १५ सय ८३ मत ल्याएका छन् भने उनका निकटतम प्रतिद्वन्दी सुधीर पजियारलाई ७८९ मत परेको छ । महासचिवमा तेस्रो भएका अशोककुमार चौधरीलाई ६१९, चौथो भएका गणेशप्रसाद साहलाई ५०५ मत आएको छ । यसैगरी सचिव पदमा १ हजार ३९६ मत ल्याई नरेन्द्र विक्रम साह ‘निरज’ विजयी भएका छन् भने उनका निकटतम प्रतिद्वन्दी गोपीकुमार साह चन्दनलाई ९४१, राकेश पजियारलाई ७३५ र श्रवणकुमार साहलाई ४२४ मत परेको छ ।
यसैगरी कोषाध्यक्षमा परमेश्वर साह आशाले १४४३ मत ल्याई विजयी भएका छन् । उहाँको निकटतम प्रतिद्वन्दी मनोजकुमार शर्मालाई ९४८ मत, राकेशकुमार साहलाई ६७१ र रामचन्द्र पजियार करणले ४१२ मत आएको छ ।
यो विषयमा आफ्नो प्रतिक्रिया दिनुहोस् !