जनकपुरधाम, भदौ २७ गते । जनकपुरधाम उद्योग वाणिज्य (जउवा) संघको निर्वाचन समितिको लापरवाही थाेत्राे निर्वाचन प्रक्रियाले बिचाैलियाले मतदाता हाईज्याक गर्न थालेका छन् ।
आउंदो भदौ २९ गते हुने जउवा संघको निर्वाचनका लागि बिचाैलियाहरूले मतदाता हाईज्याक गरि उम्मेदवारहरूसंग रकम बार्गेनिङ्ग शुरू गर्न थालेकाे छ । निर्वाचन समितिले कुनै प्रक्रिया न अपनाई एकमुष्टै सदस्यता बुझ्ने र वितरण गरिरहेकाे मतदाता परिचयपत्र सगाेलमै बुझेर उम्मेदवारहरूसंग प्रति मतदाता पद अनुसार बार्गेनिङ्ग गरिरहेकाे श्राेतले जनाएकाे छ ।
हुनत अधिकांश मतदाताकाे उम्मेदवारहरू तिनीहरूकाे कागजात संकलन गरि नवीकरण शुल्क बुझाएर मतदाता परिचयपत्र आफ्नै कब्जामा राखेका छन् । मतदाताहरूलाई निर्वाचनकै मतदान स्थलमै परिचयपत्र उपलब्ध गराउने याेजना बनाएकाे बुझिएकाे छ ।
निर्वाचनकाे २ दिन बांकी रहंदासम्म १० प्रतिशत पनि मतदाता व्यवसायीले आफै परिचयपत्र बुझेका छैनन् । बिचाैलिया र उम्मेदवारका भाेलन्टियरहरूले एकमुष्टै मतदाता परिचयपत्र बुझेर नियन्त्रणमा लिएका छन् । हुनत निर्वाचन समितिले आफ्नाे बचावका लागि रसिद लिएर मात्रै परिचयपत्र दिईरहेकाे भनिरहेका छन् ।
समितिका अध्यक्ष ललित साहले भने हामीले फर्जी व्यक्तिलाई नभई रसिद लिएर आएकाहरूलाई मात्र दिईरहेका छाै । हामी व्यक्तिभन्दा रसिदलाई चिनी रहेका छाै ।
यसैबीच निर्वाचनको पुर्व सन्ध्यामा फर्जी मतदाताकाे विभिन्न शंका आशंका उब्जिन रहेकाे बेला समितिकाे गम्भीर त्रुटि भेटिएकाे छ ।
दुईवटा परिचय पत्रमा एउटै फर्म र व्यक्तिकाे नामसहितकाे फाेटाे फरक फरक राखिएकाे फेला परेकाे हाे । त्यसरी फोटो अरुको भए कसैको नाममा कसैले पनि मत खसाल्न सक्ने सम्भावना बढेकाे छ ।
कुनै परिचय पत्रमा नाम र प्रतिष्ठानको नाम फरक भेटिएको छ भन्ने कुनैमा नाम र फोटो सहितका फरक तथ्य उल्लेख भेटिएपछि गत निर्वाचनको मतगणनामा भएको बिबादको चर्चा चुलिएको थियाे ।
महासचिवमा उम्मेदवार रहेका अशोक कुमार चौधरीले उम्मेदवार (आफनो) भाईकै परिचय पत्रमा यस्तो देखिएको बताउदै अरु समान्य व्यापारीको परिचय पत्रमा के होला ? भन्दै प्रश्न गरेका छन् । केही परिचयपत्रमा त फाेटाे नै राखिएकाे छैन । यस्ता गतिविधिले फर्जी मतदान हुन सक्ने सम्भावना बढेकाे छ ।
यो विषयमा आफ्नो प्रतिक्रिया दिनुहोस् !