जनकपुरधाम,भदौ २५ गते । मधेश प्रदेशका उर्जा ,सिंचाइ तथा खानेपानी मन्त्री शेषनारायण यादवले जनकपुरधाम उपमहानगरपालिका वार्ड नं ९ र १७ अन्तर्ग पर्ने कटरैतस्थित जलाद नदिमा अस्थायी रुपमा निर्माण गरिएको जलाद सिंचाइ बांधको स्थलगत निरिक्षण गरेका छन ।
सो अवसरमा बोल्दै उर्जा, सिंचाइ तथा खानेपानी मंत्री यादवले यस भेगमा सिंचाइ का लागि जलाद नदिमा दिर्घकालिन पक्की सिंचाइ बांध निर्माणका लागि प्रयास गर्ने कुरा बताए ।
उनले पहिलाे चरणमा डिपिआर र दोस्रो चरणकाे याेजनामा राखि नदिको उत्तर र दक्षिण भागमा लघु सिंचाइ नहर सहित सिंचाइ बांध निर्माण का लागि सक्दो प्रयास गर्ने प्रतिबद्धता जनाए ।
गाउंलेहरूकाे गुनासाे सुन्दै उनले सबैलाई सहयाेग र सेवा पाउने गरि स्थानीयकै समन्वयमा डिपिआर तयार पारिने बताउंदै यसमा स्थानीय गाउंलेकाे सहयाेग अपरिहार्य रहेकाे भने ।
निरिक्षण टाेलीमा रहेका प्रदेश सांसद रामअशिष यादवले जलाद नदि मा लघु सिंचाइ बांध निर्माण भएपछि कटरैत, मनहरपुर, तेतरिया, बेलौनी, कनकपट्टी, महुवा, बभनगामा सहित १ दर्जनभन्दा बढि गाउँका हजारौं बिघा जग्गा सिंचित हुने कुरा बताएका छन् ।
जलाद नदिमा निर्मित अस्थायी कच्ची तटबन्ध ले यस भेगका सयौं बिघा जग्गा सिंचित हुँदै आएकाे छ भने जलाद नदि मा व्यवस्थित लघु सिंचाइ बांध निर्माण भए पछि हजारौं बिघा जग्गा सिंचित हुने उनकाे भनाई छ ।
सो अवसरमा स्थानीयबासीहरुले सिंचाइ समस्या समाधान का लागि प्रदेशका मन्त्री यादव र प्रदेश सांसद यादवलाई आग्रह गरेका छन।
यो विषयमा आफ्नो प्रतिक्रिया दिनुहोस् !