जनकपुरधाम, भदौ ८ गते । संघीय सरकारका श्रम, रोजगार तथा सामाजिक सूरक्षा मन्त्री शरत सिंह भण्डारीले कक्षा ११ मा अध्ययनरत छात्राहरुलाई साइकल वितरण गरेका छन् ।
महोत्तरी जिल्लाको मटिहानीस्थित श्री राम माध्यमिक विद्यालयको कक्षा ११ मा अध्ययनरत छात्राहरुलाई शनिवार एक कार्यक्रमबीच साइकल वितरण गरेका हुन ।
मटिहानी नगरपालिकाको सहयोगमा कक्षा ११ मा अध्ययनरत छात्राहरुलाई उच्च शिक्षामा पहुँच बढाउन साइकल बितरण गरिएको कुरा नगरपालिकाका मेयर हरि मण्डलले बताएका छन् ।
उक्त विद्यालयको कक्षा ११ मा अध्ययनरत ६२ जना छात्रालाई सो साइकल बितरण गरिएको उनले जानकारी समेत दिएका छन् ।
मटिहानी नगरपालिका वड़ा नम्बर ८ का वड़ा अध्यक्ष रितेश साहूको अध्यक्षतामा सम्पन्न कार्यक्रममा श्रम रोजगार तथा सामाजिक सुरक्षा मन्त्रालयका सचिव मुकुन्द प्रसाद निरौला, बैदेशिक रोजगार विभागका महानिर्देशक सूर्य बहादुर खत्री, शिक्षा शाखा प्रमुख चन्देश्वर साह र बिद्यालयका प्राध्यानाध्यपक श्रीश कुमार मिश्रा लगायतका व्यक्तिहरुले आ आफ्ना धारणा राखेका थिए ।
सो बिद्यालयमा कक्षा ११ मा मटिहानी समरदही, बहुरवा, सुगा, पर्सा पतैली, सिरसिया, धिरापुर र धनुषा जिल्लाका तुल्सियाही मुखियापट्टी ,मुसरनिया लगायका क्षेत्र छात्र–छात्राहरु अध्ययनरत रहेका छन ।
यो विषयमा आफ्नो प्रतिक्रिया दिनुहोस् !