जनकपुरधाम, साउन ३१ गते । जनकपुरधाम स्थित जनकपुर एफ.एम. १०१.८ मेगाहर्जमा कार्यरत पत्रकार निभा कुमारी झालाई मधेश सरकार मातहतका आमसञ्चार प्राधिकरणले स्वास्थ्य बीमा वापतको सुविधा रकमको चेक हस्तान्तरण गरिएको छ ।
आमसञ्चार प्राधिकरणको कार्यालयमा प्राधिकरणका अध्यक्ष श्यामसुन्दर यादवले उनलाई २३ हजार ५ सय ४५ रुपैयाँको चेक हस्तान्तरण गरेको हो । २९ वर्षिया वहाँ जनकपुर एफ.एम. १०१.८ मेगाहर्जमा समाचार वाचिकाको रुपमा कार्यरत रहेकी छिन् । केपी खबर डट्कम्को म्यानेजिङ्ग डायरेक्टर समेत रहेकी पत्रकार झा गत ९ वर्षदेखि सञ्चारक्षेत्रमा सक्रिय छिन् ।
गत चैत्रमा सिकिस्त बिरामी भई प्रादेशिक अस्पताल जनकपुरधाममा भर्ना भई धरान स्थित बी.पी. कोइराला स्वास्थ्य विज्ञान प्रतिष्ठानमा रेडियोकर्मी झाको थप उपचार गरिएको थियो । गत दुई वर्षदेखि प्राधिकरणले प्रदेशका पत्रकार महिलाहरुलाई पत्रकारिता क्षेत्रमा प्रोत्साहन गर्ने उद्देश्यले एक लाखको स्वास्थ्य बीमा र सात लाखको दुर्घटना बीमा गर्दैआएकोमा गत आ.व.मा बजेट कटौती गरिएपछि कार्यक्रम प्रभावित भएको प्राधिकरणका अध्यक्ष श्यामसुन्दर यादवले जानकारी दिए ।
उनका अनुसार चालु आ.व.२०८१/०८२ को बजेटमा भने मधेश प्रदेशका सम्पूर्ण पत्रकारहरुको बीमा गर्ने गरी ३० लाख रुपैयाँ बिनियोजन गरिएको छ ।
यो विषयमा आफ्नो प्रतिक्रिया दिनुहोस् !