जनकपुरधाम, साउन २२ गते । जनकपुरधाम उद्योग वाणिज्य संघको नयाँ नेतृत्वको लागि हुने निर्वाचनमा सचिव पदमा नरेन्द्र विक्रम साह (निरज) ले उम्मेदवारी दिने भएका छन् ।
आगामी भदौ २९ गते हुन लागेको जनकपुरधाम उद्योग वाणिज्य संघको निर्वाचनमा सचिव पदमा उम्मेदवारी दिन लागेको नरेन्द्र विक्रम साह (निरज)ले बताए । साह वर्तमानमा जनकपुरधाम उद्योग वाणिज्य संघको कार्यसमिति सदस्य पदमा रहेका छन् ।
उक्त पदमा रहेर साहले जनकपुरधामको व्यवसायीहरुको हितमा धेरै कामहरु गरेको जनकपुरधामकै व्यवसायीहरु बताउँछन् ।
साह व्यावसायीहरुको समस्या बुझ्न र त्यसलाई समाधान गर्न हर बखत पहल गर्ने गरेको र गर्दै आएको वहाँ निकटतम युवा व्यवसायीहरुले बताए । साहले जनकपुरधामको ब्यापार,व्यवसाय फास्टउनको लागि प्रभाव पार्ने खुला सिमानाकामा कडाइ गर्नको लागि पहिला देखि नै पहल गर्दै आएका छन् ।
साहले आफु सचिव पदमा निर्वाचित भएर आई सकेपछि जनकपुरधामको पर्यटन प्रवर्द्धनको लागि होस अथवा यहाँको व्यवसायि फस्टाउनको लागि विगत भन्दा पनि बढि सक्रिय रुपमा लागेर काम गर्ने प्रतिवद्धता व्यक्त गरेका छन् ।
उनले आफू व्यापारीहरूको समस्या समाधान गर्न हरपल तयार रहेको प्रतिबद्धता व्यक्त गर्दै सबैको सहयोग र समर्थन गर्नको लागि अपील गरेका छन् ।
यो विषयमा आफ्नो प्रतिक्रिया दिनुहोस् !