जनकपुरधाम, साउन १५ गते । मधेश प्रदेश सरकारका ऊर्जा, सिचाई तथा खानेपानी मन्त्री शेषनारायण यादवलाई पितृशोक परेको छ ।
उनका बुवा सुबरण यादवको ७८ वर्षको उमेरमा निधन भएको हो । यादवको उपचारको क्रममा प्रादेशिक अस्पताल जनकपुरधाममा मंगलवार बिहान ४ बजे निधन भएको थियो । उनी हर्टसम्बन्धी समस्याले पिडीत थिए ।
उहाँको अन्तिम संस्कार पुर्खौली गाउँ धनुषाको लक्ष्मिनियाँ गाउँपालिका २ बनिगमामा गरिएको छ । यादवलाई मन्त्रीको जेठा दाजु सत्यनारायण यादवले दागवती दिएका हुन । यादवप्रति मधेश प्रदेश सरकारका भौतिक पूर्वाधार विकास मन्त्री सरोज यादव, स्वास्थ्य तथा जनसंख्या मन्त्री शत्रुध्न सिंह र खेलकूद तथा समाज कल्याण मन्त्री प्रमोद जयसवाल लगायतका मन्त्रीहरु, प्रदेश सांसदहरु, विभिन्न पालिकाका मेयरहरु, नेपाली कांग्रेसका सह महामन्त्री महेन्द्र यादव, जसपा नेपालका दिपक कार्कीसहित कांग्रेससहित एमाले, जसपा, लोसपा लगायतका सयौं नेताहरु उहाँको गृहगाउँगई हार्दिक श्रद्धाञ्जली अर्पण गरेका थिए ।
उहाँको अन्तिम संस्कारमा विभिन्न पार्टीका नेता कार्यकर्तासहित गाउँका दुई हजारभन्दा बढी व्यक्तिहरु सहभागी थिए । यादव नेपाली कांग्रेसका सक्रिय सदस्य थिए । उहाँ लक्ष्मिनिया गाविसका उपसभापति रहिसकेका थिए । पंचायतकालदेखि नै प्रजातन्त्रका लागि लडेका यादव वडाध्यक्ष र उपप्रधानपंच समेत बनेका थिए ।
यो विषयमा आफ्नो प्रतिक्रिया दिनुहोस् !