जनकपुरधाम, साउन १ गते । धनुषामा बैंकिग कसूरको मुद्दामा दिनानु बढ्दै गएकाे छ । पछिल्लो आर्थिक वर्ष २०८०/०८१ मा १७५ वटा बैकिङ्ग कसुरकाे मुद्दा दर्ता भएको छ ।
मंगलवार जिल्ला प्रहरी कार्यालय धनुषाद्वारा आयाेजित पत्रकार सम्मेलनमा प्रहरी प्रमुख एसपी भुवनेश्वर तिवारीले बैकिङ्ग कसुरकाे मुद्दा बढ्दै गएकाे बताए । उनले भने पछिल्लाे आ.ब. मा १७५ वटा मुद्दा दर्ता भएकाे छ । जसमा ७७ वटा मात्र फर्छौट भएको र ९८ वटा फर्छौट गर्न बांकी रहेको जानकारी दिदैं आ.ब. ०७८÷७९ मा मात्र ७० वटा र ०७९÷८० मा १११ वटा मुद्दा दर्ता भएको थियो ।
पत्रकार सम्मेलनमा सार्वजनिक गरिएकाे प्रगति विवरणमा धनुषामा गत एक वर्षको अवधिमा विभिन्न घटनाका ८ सय ७९ जना विभिन्न घटनाका फरार आरोपित पक्राउ परेकाे जनाइएकाे छ ।
एसपी तिवारीले भन्सार चोरी निकासीमा ९ करोड ५६ लाख ३ हजार भन्दा बढी रकम राजश्व संकलन गरिएको जानकारी समेत दिए । लागू औषधको घटना बारे जानकारी दिदैं उनले अवैध लागुऔषध गाँजा ६०७.३९९ किलो, ब्राउन सुगर १४१.४६ ग्राम,नाईट्राभेट ट्यावलेट ३ हजार २५८ पिस, सिमप्लेक्स ४९५ क्यापसुल, स्पलेन ३४ बोतल, पेण्डाजोल ईन्जेक्सन–२६ पिस, नूर्फिन ४९९ एनटिजेड, नाईट्राजेपाम–३५४० पिस, नाईट्रोसम–४७ पिस, कोडिवेल– २७ बोतल वरामद गरिएको बताए ।
एसपी तिवारीका अनुसार आत्महत्याको घटनामा केही कमी आएको छ । गत आर्थिक वर्ष १५२ वटा घटनाको मुद्दा भएको थियो भने आ.ब. ०७८/७९ मा १७२ वटा र ०७९/८० मा २१३ वटा मुद्दा दर्ता भएको थियो । जबरजस्ती करणी (बलात्कार) घटनामा समेत कमी आएको उनले दाबी गरे । उनका अनुसार गत आ.ब. मा मात्र ३१ वटा घटनाको मुद्दा दर्ता भएको छ । जबकि यसअघि आ.ब. ०७८/७९ मा ४९ वटा र ०७९/८० मा ४२ वटा मुद्दा दर्ता भएको थियो ।
त्यस्तै साइबर क्राइमतर्फ ३२० वटा निवेदन प्राप्तभएकोमा सम्बन्धित कार्यालयमा २७८ वटा कारवाहीका लागि पठाइएको छ भने ४० वटाको काम सम्पन्न भएको हो । अनुचित लेनदेन मिटरब्याजीतर्फ १ हजार १४५ वटा निवेदन दर्ता भएकोमा ६०२ वटाको मुद्दा फर्छौट भएको, २० वटा मुद्दा दर्ता भएको जानकारी उनले दिए ।
उनले भने मिटरब्याजीको घटनातर्फ दर्ता भएको मुद्दामा २५ विग्घा ८ कट्ठाभन्दा बढी जग्गा पिडितलाई फिर्ता गराइएको र २४ करोड ५९ लाखभन्दा बढी रकम साहु महाजनको असुल गराइएको बताए ।
साथै जिल्लाका विभिन्न स्थानमा ७४ वटा नयाँ सिसिटीभी जडान र ६२ वटाको मरम्मत गराइएको जानकारी दिदैं एसपी तिवारीले सवारी दुर्घटनामा केही वृद्धि भएपनि धनजनको क्षतिमा निकै न्यूनीकरण भएको बताए । उनले भने गत तीन वर्षको तथ्यांक हेर्दा पछिल्लो आ.व.मा १ हजार ९० सवारी दुर्घटना भएको जसमा ७३ जनाको मृत्यु, ४०५ गम्भीर घाइते र १ हजार ३२० जना सामान्य घाइते भएको बताए ।
यो विषयमा आफ्नो प्रतिक्रिया दिनुहोस् !