जनकपुरधाम, साउन १ गते । संघिय सरकार मातहत रहेको जनकपुरधामस्थित राजर्षि जनक विश्वविद्यालयले चांडै नै पत्रकारितासहितकाे विभिन्न संकायकाे अध्यापन शुरू गर्न लागेकाे छ ।
शुरुका दिन विवादै विवादमा पर्दै आएको विश्वविद्यालयले पछिल्लो एक वर्षयता केही उत्कृष्ट कामको थालनी गर्दै फड्काे मारेकाे विश्वविद्यालयले सार्वजनिक गरेकाे प्रगति विवरणमा दावी गरिएको छ ।
विश्वविद्यालयले सार्वजनिक गरेको प्रगति विवरण अनुसार राजर्षि जनक विश्वविद्यालयले प्राविधिक शिक्षामा जोड दिदै अगाडी बढ्ने बताइएको छ ।सोही लक्ष्य अनुसार गत वर्षदेखि महोत्तरीको गौशालामा स्नातक तहको सिभिल इन्जिनियर विषयको ४८ सिटमा अध्ययन अध्यापन भइरहेको छ ।
साथै मानविकी तथा कानून सङ्काय अन्तर्गत दर्शनाचार्य (ः.एजष्)ि को शैक्षिक कार्यक्रममा २० जना विद्यार्थी भर्ना भएका छन् जसअन्तर्गत प्रथम सेमेस्टरको कक्षा अनलाइनबाट भइरहेको छ ।
यसका साथै विविए, एमविए, विपिएच, विएससी, एमएलटि, विसिए, विएससिसिएसआईटि, विएएलएलवि विषयका कक्षा सञ्चालन भइरहेकाे छ । शैक्षिक शत्र २०८१–२०८२ देखि विआईटि, विएससि एग्रीकल्चर, विई कम्प्युटर, विडिविएम, विजेएमसी (पत्रकारिता) र विईडि आईसिटि जस्ता नयाँ विषयको पठनपाठनको तयारी भइरहेको उपकुलपति प्राध्यापक डा. अमर प्रसाद यादवले जानकारी दिए ।
अहिले विश्व विद्यालयद्वारा सञ्चालित कोर्समा ७ सय ५० विद्यार्थीहरू अध्ययनरत छन् । आंशिक तथा स्थायी गरेर ६० प्राध्यापक र ५० जना कर्मचारीहरू कार्यरत छन् । विश्वविद्यालयका शैक्षिक कार्यक्रम सञ्चालनकालागि सूचना आह्वान गर्दा देशभरबाट २ सय ४९ आवेदन परेको जनाइएको छ ।
विश्वविद्यालयमा अध्ययन गरेका विद्यार्थीहरूले राष्ट्रिय तथा अन्तर्राष्ट्रिय स्तरमा सफल भइरहेको विश्वविद्यालयले जनाएको छ ।
यो विषयमा आफ्नो प्रतिक्रिया दिनुहोस् !