जनकपुरधाम, असार १० गते । धनुषाको गणेशमान चारनाथ नगरपालिकाले आगामी आर्थिक बर्ष २०८१/०८२ को लागि ६२ करोड बढीको बजेट ल्याएको छ । सोमबार सम्पन्न नगरपालिकाकाले १३ औँ नगरसभाबाट आगामी आर्थिक बर्षको लागि कुल ६२ करोड ६३ लाख ४५ हजार रुपैयाँको बजेट ल्याएको छ ।
आर्थिक बर्ष २०८१/०८२ को लागि चालु तर्फ ३४ करोड २७ लाख ३० हजार र पूजीगँत तर्फ २८ करोड २६ लाख १५ हजार गरी कुल ६२ करोड ६३ लाख ४५ हजारको बजेट ल्याइएको लेखा अधिकृत शिवनारायण साहले जानकारी दिएका छन् ।
नगर प्रमुख जीतनारायण यादवका अनुसार, सरकारको नम्स अनुसार असार १० गतेभित्र बजेट ल्याई सक्नुपर्नेमा सोही अनुसार जनप्रतिनीधिहरुसँग, कर्मचारीहरुसँगको पूर्ण समन्वयले समयमै नगरसभा गरी बजेट ल्याउन सफल भएको हो ।
नगरकी उपमेयर तुलसा पाण्डेले सो बजेट प्रस्तुतिकरणको लागि सहयोग गरेकी थिइन् भने मेयर यादबले प्रस्तुतीकरण गरेका थिए । शिक्षामा सबभन्दा अधिक बजेटिकरण गरिएको उपमेयर पाण्डेले बताइन् । उनका अनुसार, शिक्षालाई प्राथमिकतामा राखेर बजेट ल्याइएको छ । यसपछि स्वास्थ्यलाई प्राथमिकतामा राखेर तेस्रो नम्बरमा भौतिक पूर्वाधार तर्फ बजेटिकरण गरिएको उनले थपिन् ।
नगरसभाको लागि प्रमुख प्रशासकीय अधिकृत रँजीत यादवको विशेष आतिथ्य रहेको थियो भने सो नगरसभामा सम्पूर्ण कर्मचारी, विभिन्न वडाका वडाध्यक्ष, कार्यपालिका सदस्य, विभिन्न राजनीतिक दलका प्रतिनीधि, समाजिक अगुवा, समाजसेवी, बुद्धिजीवी, सँचारकर्मी, अधिकारकर्मीहरुको सहभागीता रहेको थियो ।
नगर प्रमुख यादवको अध्यक्षतामा भएको १३ औँ नगरसभा नेपाली काँग्रेसका नेता आनन्द प्रसाद ढुँगाना, मधेश प्रदेशकी पूर्वमन्त्री सुनिता यादव, प्रदेश साँसद सँजय महतोको विशिष्ट आतिथ्यमा सम्पन्न भएको थियो ।
यो विषयमा आफ्नो प्रतिक्रिया दिनुहोस् !