जनकपुरधाम, वैशाख २८ गते । महोत्तरीको बलवा नगरपालिका ५ स्थित बाल्मिकी मन्दिरका महन्थ रामशंकर दास त्यागीले अशान्ति फैलाउनेलाई कारवाही गरी शान्ति सुरक्षा कायम गर्न माग गरेका छन् ।
शुक्रवार मन्दिरमै एक पत्रकार सम्मेलन आयोजना गरी महन्थ त्यागीले पराैल बजारमा माछामासु मदिराकाे पसल संचालन गर्ने दोहोरो नागरिकता भारतीय नागरिकले अशान्ति फैलाएकाे आराेप लगाए । उनले स्थानिय सुधिर साहसहित उनका दाजु भाईहरु श्याम साह, शुशिल साह र शंकर साहले अशान्ति फैलाएकाे भन्दै तिनीहरूकाे नागरिकता छानबीन गरि कारवाही प्रक्रिया अघि बढाउन माग गरे ।
महन्थ त्यागीले भने सुधिर साह र उनका दाजु भाईहरुले परौल बजारमा मांस मदिराको पसल संचालन गरी हो हल्ला गराउने लगायतका अशान्ति फैलाउने गरेकाले यसो नगर्न भनेपछि आफूमाथि माछाको पानी फ्याकेर गाली गलौज ग¥यो । यो पहिलो घटना होइन पटक पटक हो हल्ला गर्ने गराउने र सम्झाउने व्यक्तिहरुलाई गाली गलौज र कुटपिट लगायतका घटना गर्दै आएको छ ।
महन्थ त्यागीले शान्ति सुरक्षाको माग गर्दै सुधिर साहसहित उनका भाईहरु विरुद्ध भारतीय नागरिक भई नेपालको नागरिकता लिएको भनी तिनीहरुको नागरिकताको छानबीन गरी नागरिकता रद्दसहितको आवश्यक कारवाही प्रक्रिया अघि बढाउन जिल्ला प्रशासन कार्यालय महोत्तरीमा गएको वैशाख १६ गते निवेदनक समेत दिएका छन् ।
निवेदनमा उनले सुधिर साह र उनका दाजुभाईहरु श्याम साह, शुशिल साह र शंकर साह भारतको बिहार राज्य सितामढी जिल्ला रुन्नी सैदपुर ग्राम पंचायत निवासी रहेको र तिनीहरुले नेपाल सरकारलाई झुक्याएर गैरकानूनी रुपमा नेपाली नागरिकता लिएको दाबी गरेका छन् । आरोपितहरु भारतीय आधार कार्ड समेत लिएकाले तिनीहरुको नागरिकताको छानबीन गरी नेपाली नागरिकता रद्द गर्न माग गरेका छन् ।
निवेदनमा नेपाल सरकारको गृहमन्त्रालय, प्रहरी प्रधान कार्यालय, मधेश प्रदेशका मुख्यमन्त्री कार्यालय र मुख्यन्यायधिवक्ताको कार्यालयलाई बोद्यार्थ दिइएको छ । निवेदन दर्ता गराइएकै दिन जिल्ला प्रशासन कार्यालय महोत्तरीले जिल्ला प्रहरी कार्यालयलाई आवश्यक कारवाही प्रक्रिया अघि बढाउन पत्राचार समेत गरिसकेका छन् ।
यो विषयमा आफ्नो प्रतिक्रिया दिनुहोस् !