अक्षर विद्यामन्दिरमा अक्सफोर्डको सिकाई पद्धति

जनकपुरधाम, वैशाख ४ गते । जनकपुरधामस्थित अक्षर विद्या मन्दिर चालू शैक्षिक वर्षदेखि अक्सफोर्ड विश्वविद्यालय प्रेस तयार पारेको सिकाई पद्धति लागू गर्ने भएको छ ।
मंगलवार अक्षर विद्या मन्दिर विद्यालय व्यवस्थापन समितिका अध्यक्ष पंकज जालानले चालु शैक्षिक वर्षदेखि कक्षा १ गदेखि ५ सम्म अक्सफोर्ड विश्वविद्यालय प्रेस तयार पारेको सिकाई पद्धति लागू गर्न लागेको जानकारी दिए ।
अक्सफोर्ड विश्वविद्यालय प्रेसले तयार पारेको शिक्षण सिकाई पद्धतिले कक्षा कोठा संस्कृतिको वातावरण श्रृजना गर्नेछ जसले विद्यार्थीलाई एउटा असल नागरिक बन्न प्रोत्साहन गर्नुको साथै सफलताको लागि बलियो आधार निर्माण गर्ने विश्वास उनले व्यक्त गरे ।
सो शिक्षण सिकाई पद्धति अन्तर्गत वेलबिङ्ग, इग्ंिलश, म्याथ, कम्प्यूटिं, साइन्स र ग्लोबल स्किल प्रोजेक्टक सहितका विषयमा केन्द्रित रहने उनले जानकारी दिए । अक्सफोर्ड विश्वविद्यालय प्रेले नियमित रुपमा प्रशिक्षण दिनुका साथै सोही आधारमा विद्यार्थीहरुलाई अध्ययन अध्यापन गराउने उनले बताए ।
विगत ३ वर्षदेखि एसईईमा उत्कृष्ट नजिता ल्याउन सफल अक्षर विद्या मन्दिरले आफूलाई मधेश प्रदेशकै उत्कृष्ट विद्यालयको रुपमा स्थापित गर्न सफल भएको दाबी गर्दै अध्यक्ष जालानले यस वर्षदेखि विज्ञान, व्यवस्थापन तथा कानून विषयमा कक्षा ११ को पठन पाठन संचालन गराउने योजना विद्यालयको रहेको बताए ।