जनकपुरधाम, चैत १९ गते । उद्याेग, वाणिज्य तथा मन्त्रालय मधेश प्रदेश मातहतका पर्यटन विकास कार्यालय जनकपुरधामका प्रमुख गत दुई सातादेखि कार्यालय बन्द गरेर गायक रहेको आरोप लगाइएको छ ।
साेमवार प्रदेश सरकारबाट वितरित विकासे योजनाको चिट्ठी बिचौलिया नपठाई सिधै वडा कार्यालय वा सम्बन्धित वडाका व्यक्ति मार्फत पठाउन माग सहित पर्यटन विकास कार्यालय पुगेका धनुषा क्षेत्र नम्बर ४ (क) अन्तर्गत स्थानीय तहका वडाध्यक्षहरुले कार्यालय प्रमुख वासुदेव भट्ट गत दुई सातादेखि गायब रहेकाे बताए ।
जनकपुरधाम वडा नम्बर ९ का अध्यक्ष परमेश्वर साहले पर्यटन विकास कार्यालय धनुषाका प्रमुख बिचौलिया मार्फत चिट्ठी पठाउने गरेको र चिट्ठी लिएर आउनेहरू १०-२० पिसि बुझाएर याेजना लिएकाे, मन्त्रीकाे मान्छे हुं, फलानाे पार्टीकाे कार्यकर्ता हुं भनेर वडा बाहेकका व्यक्तिहरू चिट्ठी लिएर आउने गरेकाे र तिनीहरूले धाकधम्कीसहित उपभाेक्ता समिति बनाई दिन दबाव दिइरहेकाे बताए ।
साेही सम्बन्धमा के कुन आधारमा चिट्ठी पठाउने गरेको कुरा बुझन र बिचाैलिया मार्फत चिट्ठी नपठाउन आग्रह गर्न गत दुई सातादेखि कार्यालय धाइरहेका छौं तर कार्यालय प्रमुख भेटिदैन, आज त लेखापाल र एक कार्यालय सहयोगी बाहेक कोही भेटिएन बताए ।
पत्रकारहरू समेत त्यहाँ पुग्दा लेखापाल दिलिप झा र एकजना कार्यालय सहयोगी मात्र भेटिए कार्यालयका सबै रुममा ताल्चा लागेको थियाे । के कति कारणले कार्यालयमा ताल्चा लागेकाे बारे लेखापाल झाले कार्यालय केहीदेखि आइरहेकाे छैन । एक सुब्बा बिरामी भएर बिदामा छन भने इन्जिनीयरहरू साइटमा गएकाे हाे हामी दुई जना मात्रै रहेकाले वडाध्यक्षहरूले काम छैन भनी बाहिर बस्न भनेकाले ताल्चा लागेकाे बताए ।
साे कार्यालयमा करार सहित ७ जना कर्मचारी कार्यरत छन्, तर दुई सातादेखि दुई/तीनजना बाहेकका कर्मचारी कहिलेपनि भेटिदैन वडाध्यक्षहरुको भनाई छ । क्षिरेश्वरनाथ नगरपालिका ४ का अध्यक्ष जगदीश यादवले गत दुई सातादेखि कार्यालय प्रमुख बासुदेव भट्ट कार्यालयमा नआई बाहिरैबाहिरबाट योजनाको चिट्ठी वितरण गरिरहेको आरोप लगाए ।
उनले भने आर्थिक वर्ष सक्न मात्र ३ महिना बांकी छ । एकदम सुस्त गतिमा याेजनाकाे चिट्ठी पठाइरहेकाे छ । केही पठाएपनि त्याे जनकपुरधामको विभिन्न होटल, बर्दिबास र उद्योग, वाणिज्य तथा पर्यटन मन्त्री सुनिता यादवको क्वार्टरबाट योजनाको चिट्ठी वितरण गरिरहेकाे आफूहरुको जानकारीमा आएको छ ।
जनकपुरधाम उपमहानगरपालिका १३ का वडाध्यक्ष जीतनारायण राउतले समयमै याेजनाकाे चिट्ठी नपठाए र पठाएका चिट्ठी बिचाैलिया मार्फत पठाएमा काम हुन नसक्ने र भएपनि गुणस्तरहीन र कमसल अवस्था रहेकाे भने । कार्यालय प्रमुखले यस्तो किन गरेकाे होला भन्ने जिज्ञासामा वडाध्यक्ष राउतले आफ्ना कार्यकर्ता र आसेपासेमार्फत कमीशन खान उद्देश्यले मन्त्रीकै निर्देशनमा बिचौलियालाई योजनाको चिट्ठी दिइरहेको भने ।
बिचौलिया मार्फत चिट्ठी पठाउने गरिएको र कार्यालय प्रमुख कार्यालय बन्द गरी गायब रहेको बारे उद्योग, वाणिज्य तथा पर्यटन मन्त्रालयका निमित सचिव सुशिल कुमार साहले त्यसबारे आफूलाई जानकारी नरहेकाे बताएका छन् । तर वास्तविकता के हाे भन्ने कुा बुझेर कार्यालय प्रमुख दोषी देखिए कारवाही गर्ने बताए ।
सम्पन्न याेजनाकाे भुक्तानीका वडाध्यक्षहरुको रोहबरमा अनुगमन भई मात्र हुनुपर्ने कानुनी व्यवस्था विपरित कमीशनका लागि वडाध्यक्षलाई अनुगमनमा सहभागी नगराई माथिबाटै कागज मिलान गरि भुक्तानी दिने गरिएकाे वडाध्यक्षहरूकाे आराेपबारे सचिव साहले नियमतः योजनाको उपभोक्ता समिति गठनदेखि भुक्तानीसम्म वडा कार्यालयकै सिफारिसमा हुनुपर्ने हो । तर
यदि त्यस्तो भइरहेको छैन भने बुझेर कारवाही अघि बढाउने उनले प्रतिबद्धता जनाए ।
यो विषयमा आफ्नो प्रतिक्रिया दिनुहोस् !