जनकपुरधाम, ८ चैत । मधेश सरकारलाई दिएको समर्थन जारी राख्ने लोकतान्त्रिक समाजवादी –लोसपा) नेपालले संकेत गरेका छन् ।
महोतरीको बर्दिवासमा चैत ६ र ७ गते बसेको बैठकमा गरिएको निर्णय जानकारी गराउने उद्देश्यले बिहीवार जनकपुरधाममा आयोजित पत्रकार सम्मेलनमा लोसपाले मधेश सरकार पुर्नगठनमा अन्य सम्भावनाको पनि संकेत गरेको छ ।
पत्रकारहरुको जिज्ञासामा लोसपा अध्यक्ष महन्थ ठाकुरले भने संघमा हामीले समर्थन गरेका छैनौ । तर संघ र प्रदेश दुवै फरक विषय हो । प्रदेशमा अहिलेसम्म कुनै दलले समर्थन फिर्ता लिएको छैन । यस्तो अवस्थामा लोसपाले समय आएपछि समर्थन बारे निर्णय गर्ने तर हालका लागि सरकारमा बस्ने र समर्थन यथावत राख्ने निर्णय भएको उनले भने ।
लोसपाले गरेको १० बुँदे निर्णयमा लोकतान्त्रिक संविधानको संरक्षण सम्वद्र्वन र स्थायित्वका लागि वर्तमान अपुरो संविधानको संसोधन, आमाको नामबाट नागरिकताका लागि रहेको अवरोध अनत्यको मांग गरेको छ । लोसपाको निर्णयमा भारतलाई १० हजार मेगावाट विद्युत विक्रि गर्ने नेपाल सरकारसंगको सम्झौता कार्यान्वय गर्न साथै भारतले दिदै आएको पाँच अर्वको अनुदानलाई २० अर्व पुरयाउने नेपाल सरकारको निर्णयलाई स्वागत त गरेको छ तर चिन सरकार र नेपाल सरकार बिच भएको बिआरआई सम्झौता देशको हितमा नरहेको ठहर पनि बैठकबाट गरेको उल्लेख छ ।
पार्टी वरिष्ठ नेता राजेन्द्र महतोको बर्हिगमण र अर्का नेता अनिल झाको अनुपस्थितीलाई समान्य र स्वभाविक रुपमा लिएको बताउदै पार्टी अध्यक्ष ठाकुरले पार्टीबाट अलग हुनु र प्रवेश गर्नु नेपालको राजनितीमा सबैतिर सरल कुरा भइसकेकाले टिप्पण्ी गर्न नहुने बताए । सो अवसरमा पार्टीका सहअध्यक्ष सर्वेन्द्रनाथ शुक्ला, वरिष्ठ नेता सरतसिंह भण्डारी, महासचिव परमेश्वर साह, प्रदेश सांसद रानी शर्मा तिवारी सहितको उपस्थिती थियो ।
यो विषयमा आफ्नो प्रतिक्रिया दिनुहोस् !