जनकपुरधाम, चैत ८ गते । नेपाल सरकारका उपप्रधान एवं भौतिक पुर्वाधार तथा यातायात मन्त्री रघुवीर महासेठले यो गठबन्धनको सरकार बांकी रहेका ४ वर्षसम्म रहने दाबी गरेका छन् ।
बिहीवार जनकपुरधाम विमानस्थलमा पत्रकार भेटघाट कार्यक्रममा मन्त्री महासेठले यो सरकार वाम गठबन्धनको रहेपनि यसमा प्रतिपक्षमा रहेका कांग्रेस लगायतका दलहरु समेत सहकार्य गरिरहेकोले बांकी रहेका कार्यकाल चारसम्म चल्ने दाबी गरे ।
दोस्रो पटक उपप्रधान मन्त्री बनेपछि पहिलो पटक गृहजिल्ला धनुषा आएका उपप्रधानमन्त्री महासेठले कसैको पनि बहुमत नभएको अवस्थामा प्रतिपक्षमा बसेका कांग्रेस पहिलो दलको रुपमा प्रधानमन्त्रीको प्रतिक्षारत दाबेदार भएकाले एमालेसंग सहकार्यमा बस्नु स्वभाविक रहेको बताए ।
मधेश सरकारमा एमालेबाट अहिलेसम्म मन्त्री टुग्याउन नसक्नु बारे मन्त्री महासेठले अहिले समय परिपक्व नभइसकेको बताउदै छिट्टै निश्कर्षमा पुगेर मन्त्रीहरु चयन गरिने जानकारी दिए । गृहमन्त्री रविमाथि कांग्रेसले लगाइरहेको आरोप बारे महासेठले भने हिजोका दिन त्यही कांग्रेसले रविलाई मन्त्री बन्ने दिएको अवसर ठिक थियो, र आज मन्त्री भइसकेपछि अपराधी भयो प्रश्न गरे । उनले भने अपराधी जो सुकै भएपनि कारवाही हुन्छ । अनुसन्धान भइरहेको यसमा परिणाम पछि आउने हो ।
साथै उनले हामी आफ्नो कार्यकालसम्म अधुरा रहेका मधेशको हुलाकी राजमार्ग, महेन्द्र राजमार्गलाई फोरलेन, मध्य पहाडि राजमार्ग, मदन भण्डारी लोकमार्ग सहितका सडक निर्माण कार्य सम्पन्न गरेर छाड्ने दाबी समेत गरे ।
विमानस्थलको भीआईपी कोठामा काठमाडौ जान बसेका लोसपा अध्यक्ष महन्थ ठाकुरलाई मन्त्री महासेठले स्वागत गरेको थियो । उनलाई स्वागत गर्न सयौंको संख्यामा एमाले नेता कार्यकर्ताहरु विमान स्थल पुगेका थिए । उनलाई विमानस्थलमा एकसय किलोको मालाले स्वागत सहित कसैको नजर लागोस भन्ने उद्देश्यले दही र माछाको टिका समेत लगाएका थिए । यसैबीच जनकपुरधाम स्थित पार्टी कार्यालयमा जिल्ला कार्यसमितिले धनुषाले दोश्रो पटक मन्त्री बनेकोमा सम्मान समेत गरेको छ ।
यो विषयमा आफ्नो प्रतिक्रिया दिनुहोस् !