जनकपुरधाम, फागुन २६ गते । मधेश प्रदेशका राजधानी जनकपुरधामस्थित श्रीराम प्लस टू क्याम्पसले यस पटक एसईई परीक्षामा सहभागी हुने कक्षा १० का विद्यार्थीहरुलाई सम्मान गरेको छ ।
नर्सरीदेखि कक्षा १० सम्म माध्यमिकस्तरका अध्यापन समेत गराउंदै आएका साे क्याम्पसले आफ्नै प्रांगणमा ‘छिट्टै भेटौला’ भन्ने कार्यक्रम आयोजना गरी कक्षा दसमा अध्ययनरत विद्यार्थीलाई सम्मान गरेको हो ।
क्याम्पसले एसईई तहमा प्रवेश गरेकाले कक्षा १० को अन्तिम दिन रहेकाले विदाई तथा एसईई उत्तिर्ण गरी फेरी कक्षा ११ मा भेट हुने उद्देश्यले सम्मान गरिएको क्याम्पसका व्यवस्थापक एवं प्रिन्सिपल डा. सन्तोष कर्णले जानकारी दिए । उनले भने यो सम्मानले एसईई परीक्षामा सहभागी हुने विद्यार्थीलाई मानसिक रुपले उत्साहित तथा मनोबल उच्च गर्नेछ र परीक्षामा राम्रो ल्याउन सक्नेछ ।
एसईईमा सहभागी हुने विद्यार्थीहरुलाई कक्षा ९ का छात्रछात्राहरुले सम्मान गरेका थिए । सो क्याम्पसबाट यस पटक करीब ५० जना विद्यार्थी सहभागी हुने भएका छन् । विद्यार्थीलाई सम्मान सहित सो सांस्कृतिक कार्यक्रम तथा शिक्षक सहितका वरिष्ठ व्यक्तिहरुलाई सम्मान समेत सो कार्यक्रममा गरिएको थियो ।
श्रीराम प्लस टू क्याम्पसले करीब एक दशकदेखि एसईईमा सहभागी हुने विद्यार्थीहरुलाई कक्षा १० को अध्यापन सम्पन्न पश्चात सम्मान गर्दै आएको छ । एसईई परीक्षापछि सो क्याम्पसले कक्षा ११ मा भर्नाका लागि आन्तरिक तथा बाह्य विद्यार्थीहरुलाई प्रवेश परीक्षा समेत लिने भएका छन्
साे प्रवेश परीक्षामा मासिक शुल्कदेखि पूर्ण छात्रवृतिको व्यवस्था रहने गरेको डा. कर्णले बताए । उच्च मार्क ल्याउनले पूर्ण छात्रवृति पाउने तथा क्रमागत रुपमा १० स्थानसम्म ल्याउने विद्यार्थीहरुलाई मासिक शुल्क निशुल्क सो क्याम्पसले गर्दै आएको छ ।
यो विषयमा आफ्नो प्रतिक्रिया दिनुहोस् !