जनकपुरधाम, फागुन २२ गते । बढदै गएको सवारी दुर्घटना न्युनिकरण गर्ने उद्देश्यले विभिन्न स्कुल तथा कलेजका सवारीहरुको चेकजाँचमा ट्राफिक प्रहरीले तिव्रता दिएको छ ।
स्कूल कलेजका बसहरुबाट दुर्घटना बढदै गएपछि जिल्ला ट्राफिक कार्यालय धनुषाले जनकपुरधामसहित जिल्लाका प्रमुख सडकखण्डहरुमा स्कूल कलेजका सवारी चालकहरुको लाइसेंससहितका कागजात चेकजाँचमा तिव्रता दिइएको हो ।
गत दुई दिनअघि मात्रै जनकपुरधाम २३ विन्घी र बटेश्वर गाउँपालिकामा भएको स्कूल बस दुर्घटनामा दुईजना महिलाको मृत्यु र ८ जना घाइते भएको थियो । स्कूल कलेज बसहरुको लापरवाही बढदै गएको गुनाासो आउन थालेपछि चेकजाँचमा तिव्रता दिइएको जनाइएको छ । गत दुई दिनको अवधिमा ७० भन्दा बढी सवारी चालकलाई कारवाही गरिएको छ भने १२० सवारी चालकलाई सम्झाई बुझाई छाडिएको जिल्ला ट्राफिक प्रमुख शेखरकुमार साहले जानकारी दिएका छन् ।
उनले भने चेकजाँच अभियान गत महिनादेखि नै जारी छ, तर गत केही दिनदेखि जिल्लामा स्कूल कलेजका सवारी साधनको लापरवाहीले दुर्घटना बढदैपछि न्यूनीकरण गर्ने उद्देश्यले चेकजाँचमा तिव्रता दिइएको हो । जसअन्तर्गत ७० भन्दा बढीलाई गरिएको कारवाहीबाट ६०÷६५ हजार रुपैया राजश्व समेत संकलन भएको छ ।
प्रमुख साहले भने सवारी चालक तथा सह–चालकहरुलाई ट्राफिक नियम सम्बन्धी जानकारी गराई कागजपत्र साथमा नभएका, सिट क्षमता भन्दा बढी विद्यार्थी बोकेका, ढोका खुल्ला, नम्वर प्लेट ठिक नभएका,तिव्र गति तथा लापरबाही साथ सवारी चलाउने साथै अवस्था ठिक नभएका स्कुलका सवारी साधनहरुलाई कारबाही गरिएको हो ।
यो विषयमा आफ्नो प्रतिक्रिया दिनुहोस् !