जनकपुरधाम, फागुन २० गते । धनुषामा स्कूलको बसको दुर्घटनामा परी दुई जना महिलाको मृत्यु भएको छ भने ८ जना घाइते घाइते भएको छ ।
जनकपुरधाममा स्कूल बसले किचिएर दुई महिलाको मृत्यु भएको छ आज बिहान करीब साढे १० बजेको समयमा जनकपुरधाम वडा नम्बर २३ विन्घी मा जनकपुरधामबाट जलेश्वरतर्फ गइरहेको जनकपुरधामको एन्जल्स स्कुलले किच्दा स्थानीय ३५ वर्षिय महिला राखी देवी यादव र ५८ वर्षिया देवकली देवी साहको मृत्यु भएको छ भने भने ६ जना घाइते भएका छन् ।
घाइते हुनेहरुमा एक बच्चा ५ जना महिला रहेको छ । घाइते सबैको उपचार प्रादेशिक अस्पताल जनकपुरधाममा भइरहेको धनुषा प्रहरीले जनाएको छ ।
विद्यार्थी लिन गइरहेको प्रदेश–२–०२–०१क–०४३१ नम्बरको बस अनियन्त्रित भई डिभाइडरमा चढ्दा डिभाइडरमा बसिरहेका ती महिलाहरुको मृत्यु भएको जिल्ला प्रहरी कार्यालय धनुषाले जनाएको छ । बिहेको मटकोर विधिका लागि माटो खनेर फर्किरहेका महिलाहरु समूहमाथि नै ओभरस्पीडमा रहेको ती बसले अनियन्त्रित चढेपछि दुर्घटनामा परेका हुन ।
ओभरस्पीडमा रहेको सो बसको ठक्करले अन्य ६ जना महिला गम्भीर घाइते समेत भएका छन् र तिनीहरुको उपचार धनुषाका प्रहरी प्रवक्ता, प्रहरी नायव उपरीक्षक रञ्जन अवाले जानकारी दिनु भएको छ । उहाँका अनुसार घटना भए लगतै स्कुल बस र चालक प्रहरीको नियन्त्रणमा लिइएएको छ ।
घटना पश्चात आक्रोशित स्थानीयले बसमा तोडफोड गर्दै चक्काजाम गरेर प्रदर्शनमा उत्रेका छन् । सो प्रदर्शनले जनकपुर जलेश्वर सडक खण्डको अवस्था तनावग्रस्त बनेको थियो । स्थानीयको प्रदर्शनले केही घण्टा सडक अवरुद्ध रहेपनि पछि पीडित र प्रहरीबीच दोषीमाथि कारबाही गर्ने तथा उचित क्षतिपूर्ति दिने सहमतिपछि सुचारु भएको थियो ।
यस्तै धनुषाको बटेश्वरमा समेत एक स्कूल बसले मोटरसाइकललाई ठक्कर दिंदा दुई जना घाइते भएको छ । धनुषा प्रहरीले दिएको जानकारी अनुसार बटेश्वर स्थित चिल्ड्रेन गार्डेन बोर्डिँग स्कूलको बसले मोटरसाइकललाई ठक्कर दिंदा मोटरसाइकलमा सवारी मुकेश महतो र रुपेश महतो घाइते भएका हुन । दुवैको उपचार प्रादेशिक अस्पताल जनकपुरधाममा भइरहेको जनाइएको छ ।
यो विषयमा आफ्नो प्रतिक्रिया दिनुहोस् !