जनकपुरधाम, फागुन १९ गते । जनकपुरधामस्थित जानकी मन्दिर सहितका मठ मन्दिर सहित विभिन्न ऐतिहासिक पूर्वाधार धरोहरको व्यवस्थापन तथा पर्यटकीय विकासका लागि सम्बन्धित निकायसँग पहल गर्ने ‘भिजिट जनकपुरधाम २०२४’ ले निर्णय गरेको छ ।
शनिवार भिजिट जनकपुरधाम २०२४ को प्रचार प्रसार समितिको बसेको बैठकबाट यस्तो निर्णय गरिएको हो । बैठकमा सहभागीहरुले जानकी मन्दिर सहित नगरका विभिन्न भागमा रहेको फोहोरले गर्दा बाह्य पर्यटकहरुमा गइरहेको नाकारात्मक सन्देश, जानकी मन्दिरमा अव्यवस्थित व्यवस्थापन, मन्दिर वरिपरिको ट्राफिक अव्यवस्थापन र पर्यटक भित्रियाउन जानकी मन्दिर सहित अन्य मठ मन्दिरको प्रचार प्रसार बारे छलफल गरेको छ ।
छलफलबाट भिजिट जनकपुरधाम अभियान सफल पार्न यहाँका मठ मन्दिरको प्रचार प्रसारका लागि सामाजिक सञ्जाल लगायतका अन्य माध्यम प्रयोगमा जोड दिने लगायतका कसरी गर्न गरिएको छ ।
जनकपुरधाम उद्योग वाणिज्य संघको सभाहलमा भिजिट जनकपुरधामका संयोजक अम्भु प्रसाद साहको संयोजकत्वमा बसेको बैठकमा प्रचार प्रसार समितिका संयोजक दिपक गुप्ता, सल्लाहकार सुभाष कर्ण, राजकमल सिंह, सह संयोजक स्मृति मिश्रा, सदस्यहरु गिरिजानन्द साह, रुबी झा, माला राय, रोहिकुमार साह, मनोज भगत, रुबी झा र सतो नेपालका मधेश प्रदेश अध्यक्ष विरेन्द्र साह लगायतका व्यक्तिहरुको उपस्थिति रहेको थियो ।
यो विषयमा आफ्नो प्रतिक्रिया दिनुहोस् !