जनकपुरधाम, ६ फागुन । मधेस प्रदेशका मुख्यमन्त्री सरोजकुमार यादवले तेस्रो पटक विश्वासको मत पाएको छ । मधेस सरकारबाट जनमत बाहिरिएपछि मुख्यमन्त्री यादवले विश्वासको मत प्राप्त गर्नका लागि बसेको प्रदेशसभा बैठकबाट विश्वासको मत पाएको हो ।
प्रदेश सभामा १ सय ७ प्रदेश सभा सदस्य मध्ये १ सय ४ प्रदेश सभा सदस्य उपस्थित थिए । उपस्थित प्रदेश सभा सदस्य मध्ये मुख्यमन्त्री यादवलाई ६९ जना पक्षमा र विपक्षमा ३५ जनाले मतदान गरेका छन् । मतदान सकिए लतगै मुख्यमन्त्री यादवले विश्वासको बहुमत पाएको सभामुख रामचन्द्र मण्डलले घोषणा गरे ।
यसअघि दुई पटक सिंगो सदनको मत प्राप्त गरेका मुख्यमन्त्री यादवको विपक्षमा यस पटक नेकपा एमाले र जनमत पार्टीले मतदान गरेका छैनन् । मुख्यमन्त्री यादवको पक्षमा नेपाली कांग्रेस, नेकपा माओवादी केन्द्र, जसपा, लोकतान्त्रिक समाजवादी पार्टी, नेकपा एकिकृत समाजवादी पार्टी, राप्रपा र नेपाल संघिय समाजवादी पार्टीका प्रदेशसभा सदस्यहरुले मतदान गरेका हुन् ।
केही दिनदेखि प्रमुख प्रतिपक्षी दलमा जनमत पार्टीले दाबी गर्न थालेपछि यसअघि दुई दुई पटक विश्वासको मत दिएर सरकारलाई समर्थन गरेका एमालेले प्रमुख प्रतिपक्षी जिम्मेवारी खोसिने डरले विपक्षमा मतदान गरेको हो । हुनत एमाले संसदीय दलका नेता सरोज यादवले दुई÷दुई पटक सरकारलाई समर्थन गरेपनि विश्वास गर्न लायक काम नगरेको हुनाले यसपटक विपक्षमा मतदान गर्ने बताएका प्रदेश सभामा सम्बोधन गर्ने क्रममा बताएका हुन ।
१ सय ७ सदस्यीय मधेसको प्रदेशसभामा नेकपा एमालेको २४, नेपाली कांग्रेसको २२, नेपाली कांग्रेस १९, जनतम १३, लोकतान्त्रिक समाजवादी पार्टी तथा माओवादी केन्द्र ९/९, नेकपा एकिकृत समाजवादी पार्टी ७, राप्रपा, नागरिक उन्मुक्ति पार्टी तथा नेपाल संघीय समाजवादी पार्टीको १÷१ जना प्रदेशसभा सदस्य रहेका छन् । त्यस्तै मधेस प्रदेशसभा सदस्य एक जना स्वतन्त्र प्रदेशसभा सदस्य छन् ।
यो विषयमा आफ्नो प्रतिक्रिया दिनुहोस् !