जनकपुरधाम, माघ २६ गते । पेट्रोलियम डिर्लस एशोसिएशन जनकपुरधामको नयाँ नेतृत्वका लागि जनकपुर डिजेल सेन्टरका सञ्चालक किसुनदेव साहले उम्मेदवारी घाेषणा गरेका छन् ।
माघ २७ गते शनिवार हुन लागेकाे निर्वाचनका लागि साहले शुक्रवार एक पत्रकार सम्मेलन गरि उम्मेदवारी घाेषणा गरेका हुन् ।
उनले एसोसिएसनका वर्तमान अध्यक्ष बाबा पेट्रोल पम्पका सञ्चालक समेत रहेका बिष्णुदेव साह पुनः अध्यक्ष बन्न फर्जी मतहरु बनाएको आरोप लगाए ।
अध्यक्ष पदका लागि उम्मेदवारी घोषणा गरेका साहले जसरी पनि जाल झेल गरेर पुनः अध्यक्ष बन्न वर्तमान अध्यक्ष साहले दुईवटा फर्जी मतदाता बनाएको आरोप लगाए ।
उनले आफु निर्वाचनमा उम्मेदवारी दिने घोषणा गर्दै जारी भएको ८० जना मतदाताको नामावलीमा दुईजना कृष्ण आयल स्टोर्स जनकपुर र प्रशान्त आयल स्टोर्स रघुनाथपुर विधान अनुसार फर्जी मत रहेको दावी गरे । आफनो जित सुनिश्चित देखेर १७ वर्ष देखि गोजीको संस्था बनाएका वर्तमान अध्यक्ष अतालिएको उनको दावी गरे ।
लामो विवादका कारण नयाँ नेतृत्व चयन हुन नसकेको र कानुन अनुसार वर्तमान कार्यसमितिको कार्यकाल माघ २७ गते सम्म मात्र वैध रहने भएकाले वर्तमान अध्यक्ष विष्णुदेव धमाधम निर्वाचनको पुर्व सन्ध्यामा मतदाता नामावली सार्वजानिक गरि चुनाव गराउन लागेको उनले बताए । यद्यपि उनले नयाँ नेतृत्वका लागि गर्न लागेको चुनाव स्वागत योग्य रहेको बताए ।
यो विषयमा आफ्नो प्रतिक्रिया दिनुहोस् !