जनकपुरधाम, माघ २० गते । पत्रपत्रिका प्रकाशकहरुहरुको साझा संगठन प्रकाशक महासंघ नेपालको अध्यक्ष पुनः डेली एक्सप्रेस दैनिक पत्रिकाका प्रकाशक शंकर साह चयन भएको छ ।
शनिवार जनकपुरधाममा सम्पन्न प्रथम वार्षिक साधारण सभाबाट प्रकाशक महासंघको पुनर्गठित कार्यसमितिको जिम्मोवरी पुनः साह नै पाएका हुन । साहको नेतृत्वमा पुनर्गठित ९ सदस्यीय नयाँ कार्यसमितिको उपाध्यक्षमा कमल साह, महासचिवमा उपेन्द्र भगत नागवंशी, सचिवमा धर्म मण्डल, कोषाध्यक्षमा ललन साह, सदस्यहरुमा अशोक रौनियार, अकुलप्रसाद साह, कुरमुर नागवंशीलाई चयन गरिएको छ ।
नागवंशी यसअघिको कार्यकालमा पनि महासचिव पदमै थिए भने कोषाध्यक्ष मण्डललाई सचिवमा बढुवा गरिएको जनाइको छ । कार्यक्रममा कोषाध्यक्ष धर्म मण्डलले आर्थिक प्रतिवेदन र महासचिव नागशंशीले सांगठनिक प्रतिवेदन प्रस्तुत गरेका थिए । एक वर्षको अवधिमा महासंघले २ लाख ८९ हजार ६३० रुपैया आम्दानी र खर्च तीन लाख ८७ हजार ९५० रुपैया खर्च भएको र खर्च भएका बढी रकम अध्यक्ष साहबाट साप्टीको रुपमा लिइएको प्रतिवेदनमा उल्लेख छ ।
नयाँ पत्रकारहरुको दक्षता अभिवृद्धि लगायतका कार्यक्रमहरु गरेको बारे महासंघको गतिविधिसहितका सांगठनिक प्रतिवेदन महासचिव नागवंशीले प्रस्तुत गरेका थिए । सम्पन्न साधारण सभाबाट प्रेस स्वतन्त्रता सेनानी स्व. राजेश्वर नेपालीको नाममा राजेश्वर नेपाली कर्मवीर पत्रकारिता पुरस्कार समेत गरिएको छ । सो पत्रकारिता पुरस्कार महासंघको वैशाख महिनामा मनाइने वार्षिकोत्सवको अवसरमा प्रदान गरिनेछ ।
कार्यक्रममा बोल्ने वक्ताहरुले वर्तमान आर्थिक मन्दीले मिडियाको अवस्था समेत गम्भीर रहेकाले यसबाट कसरी जोगाउन सकिन्छ बारे धारणा राखेका थिए । कार्यक्रममा बोल्ने अधिकांश वक्ताहरुले विज्ञापनको आभाव हुँदै गएको अवस्थामा स्थानीय तह र प्रदेश सरकार मात्र एक सहारा रहेकाले तिनीहरुसँग समन्वय गर्न प्रकाशक महासंघले नेतृत्व लिनुपर्नेमा जोड दिएका थिए । यसका साथै पहिलो चरणमा धनुषास्थित प्रत्येक पत्रपत्रिकाका प्रकाशकहरुलाई महासंघमा आबद्ध गराई महासंघलाई विस्तार गर्नमा जोड समेत वक्ताहरुले दिएका थिए ।
महासंघका अध्यक्ष शंकर साहको अध्यक्षतामा सम्पन्न सो कार्यक्रममा आम सञ्चार प्राद्यिकरण मधेश प्रदेशका अध्यक्ष श्यासुन्दर यादव, नेपाल पत्रकार महासंघ मधेश प्रदेशका अध्यक्ष राजेशकुमार कर्ण, मिडिया काउन्सील मधेश प्रदेशका कार्यवाहक अध्यक्ष कैलाश दास, नेपाल पत्रकार महासंघ धनुषाका सचिव बटुकनाथ झा, प्रेस सेन्टर नेपाल मधेश प्रदेश अध्यक्ष किरण कर्ण, प्रेस युनियन धनुषाका अध्यक्ष राजन सिंह, मधेशी पत्रकार समाज धनुषाका अध्यक्ष सुभाष कर्ण सहित वरिष्ठ पत्रकारहरु बिएम खनाल, अशोक रौनियार र रामभरत साह लगायतका वक्ताहरुले आ आफ्ना धारणा राखेका थिए ।
कार्यक्रममा अर्जुन बहादुर क्षेत्री, कमल साह, श्रीनारायण साह, पुरण गुप्ता, अकुल साह,ललन साह, राज कमल सिंह, संजय साह, जयन्त ठाकुर लगायतको सहभागिता रहेको थियो ।
यो विषयमा आफ्नो प्रतिक्रिया दिनुहोस् !