जनकपुरधाम, माघ १८ गते । खेलकुदको विकासका लागि महोत्तरीको मटिहानी नगरपालिकामा छठौं राष्ट्रपति रनिङ्ग शिल्ड प्रतियोगिता शुरु भएको छ ।
बिहीवारदेखि मटिहानी नगरपालिकाको मटिहानी रंगशालामा शुरु भएको सो अन्तर बिद्यालय स्तरीय राष्ट्रपति रनिङ्ग शिल्ड प्रतियोगिताको नगरपालिकाका मेयर हरिप्रसाद मण्डलले गरेका छन् । दुई दिन सम्म चल्ने प्रतियोगितामा पालिकाका ५(पाँच) वटा माध्यमिक विद्यालयको सहभागिता रहेको छ ।
उद्घाटन सत्रलाई सम्बोधन गर्दै मेयर मण्डलले भने खेलकुद र शिक्षाको विकासका लागि पालिका कटिबद्व रहेको रहेको छ । उनले खेलकुदले बिद्यार्थीको आत्मबल बढाउनुको साथै देशका लागि कर्णधार युवा तयार गर्न सहयोग पुग्ने बताए ।
मेयर मण्डलको सभापतित्वमा सम्पन्न कार्यक्रममा वड़ा नं.२ का वड़ा अध्यक्ष मो. रयूप, लोसपा नेपालका केन्द्रीय सदस्य राम कुमार मंडल, रास मावि मटिहानीका प्र.अ. ईश्वरी पौडेल, राम मावि मटिहानीका प्रधानाध्यापक श्रीश कुमार मिश्र लगायतका वक्ताहरुले आफ्नो मंतव्य राखेका थिए ।
मटिहानी स्थित श्री राम माविका कक्षा ११ मा अध्ययनरत हिना खातुनले पालिकाले प्रत्येक वर्ष आयोजना गर्दै आई रहेको यो राष्ट्रपति रनिंग शिल्ड प्रतियोगिताले हामीहरुको शारिरिक तन्दुरुस्ती र आत्मबल बढाउनुका साथै हामी सबै विद्यार्थीहरुको विचमा आपसी मेलमिलाप समेत बढने भन्दै खुशी ब्यक्त गरिन् । प्रतियोगितामा भलीबाल,कब्बडी, दौड़,हाइ जम्प लॉन्ग जम्प गरी जम्मा २३ किसिमको खेल हुने जानकारी शिक्षा शाखा प्रमुख चन्देश्वर साहले दिएका छन् ।
उक्त समुद्घाटन कार्यक्रममा मटिहानी नगरपालिकाका वडा नम्बर २, ३, ६, ७ र ८ का वडाध्यक्षहरु कार्यपालिका सदस्यहरु ,वड़ा सदस्यहरू, प्रमुख प्रशासकीय अधिकृत चन्द्रशेखर शर्मा, पालिकाका सम्पूर्ण शाखा प्रमुखज्यूहरू ,वड़ा सचिवज्युहरु, बिभिन्न राजनितिक दलका प्रतिनिधिहरु, ससश्त्र प्रहरी मटिहानीका प्रमुख, मटिहानी प्रहरी चौकी प्रमुख ,बिभिन्न विद्यालयका प्रधानाध्यापक तथा शिक्षकहरुको सहभागिता रहेको थियो ।
यो विषयमा आफ्नो प्रतिक्रिया दिनुहोस् !