जनकपुरधाम, ११ माघ । जनकपुरधाम बन्द गराउन हिँडेका प्रभु साह नेतृत्वका आम जनता पार्टीका नेता कार्यकर्ताहरु पक्राउ परेका छन् ।
मधेश बन्द आह्वान गरे अनुरुप बिहीवार जनकपुरधाम बजारसहित यातायात सेवा रामानन्द चोकमा बन्द गराउन खोजेका आजपाका दर्जनौ नेता कार्यकर्तालाई धनुषा प्रहरीले पक्राउ गरेको हो । जिल्ला प्रहरी कार्यालय धनुषाका अनुसार बन्द गराउन हिडेका आजपाका ६५ भन्दा बढी नेता कार्यकर्ताहरुलाई नियन्त्रणमा लिइएको जनाइएको छ ।
पक्राउ पर्नेमा आम जनता पार्टीका केन्द्रीय उपाध्यक्ष तथा संविधानसभा सदस्य तिलक थापा मगर, महासचिव उपेन्द्र साह, पार्टी प्रवक्ता तथा आई.टी.आर्मीका केन्द्रीय अध्यक्ष चन्द्र भूषण साह, सचिव समिना हुसेन, स्थायी कमिटी सदस्य तथा धनुषा ईन्चार्ज श्रीलाल महासेठ, केन्द्रीय सदस्य तथा महोत्तरी अध्यक्ष विजय कुमार साह, आम महिला मोर्चाका केन्द्रीय अध्यक्ष बबिता साह लगायतका रहेको जनाइएको छ ।
वित्तिय संस्था बैंकहरुले मनोमानी ढंगले लिइ रहेको ब्याज फिर्ता, लघुबित्त तथा सहकारीबाट लिएको कर्जा माफी तथा आम जनतालाई सहज कर्जा उपलब्ध गराउने लगायतका माग सहित आजपाले माघ ११ गते मधेस बन्दको आह्वान गरेको थियो ।
यो विषयमा आफ्नो प्रतिक्रिया दिनुहोस् !