जनकपुरधाम, पुस २५ गते । श्री महावीर युवा कमिटीको ३३ वार्षिकोत्सवको साप्ताहिक कार्यक्रम अन्तर्गत आज दोश्रो दिन पत्रकारहरुसँग मैत्रिपूर्ण क्रिकेट प्रतियोगिता र लागू औषध विरुद्ध तथा गुड टच बैड टच जनचेतनामूलक कार्यक्रम सम्पन्न भएको छ ।
कार्यक्रमको पहिलो सत्रमा पत्रकारहरुसँग महावीर युवा कमिटीको भएको क्रिकेट प्रतियोगितामा कमिटीले १ रनले विजयी भएको छ । पहिले ब्याटिङ्ग रोजेका महावीरले १५ ओभरमा ८ विकेट गुमाउंदै १४८ रन बनाएको थियो ।
जवाफी पारी खेल्दै पत्रकारहरुले ४ विकेटको क्षतिमा १४७ रन बनाएको थियो । जनकपुरधामस्थित तिरहुतिया गाछीमा विजय यादवको संयोजकत्वमा सम्पन्न सो मैत्रीपूर्ण प्रतियोगितामा सबैभन्दा बढी पत्रकारहरुको तर्फबाट अविनाश झाले ५६ रन बनाउन सफल भएको थियो ।
जनकपुरधाम उद्योग वाणिज्य संघका अध्यक्ष जितेन्द्र महासेठको प्रमुख आतिथ्य तथा महावीर युवा कमिटीको अध्यक्षतामा प्रतियोगिताको उद्घाटन सत्र सम्पन्न भएको थियो । उद्घाटन सत्रलाई सम्बोधन गर्दै अध्यक्ष महासेठले वर्तमान अवस्थामा यो मैत्रीपूर्णले क्रिकेट प्रतियोगिताले नयाँ पुस्तालाई खेलप्रति आकर्षित गर्नुको साथै यस्ता खेलहरु जारी रहेमा आउने दिनको खेलले व्यापकता थप्दै जानेछ भने ।
दोश्रो सत्रको लागू औषध विरुद्ध तथा गुड टच बैड टच जनचेतनामूलक कार्यक्रममा विद्यालयका विद्यार्थीहरु सहित विभिन्न संघ संस्थाका प्रतिनिधिहरु सहित २५० जनाको सहभागिता रहेको थियो ।
जिल्ला प्रहरी कार्यालयका प्रहरी उपरिक्षक मित्रबन्धु शर्माको प्रमुख आतिथ्यमा सम्पन्न सो जनचेतनामूलक कार्यक्रममा जिल्ला प्रहरी कार्यालय धनुषाका प्रहरी निरिक्षक चन्द्रकला भट्टराई र किशोरी फाउण्डेशन सुधार केन्द्र जनकपुरधामका अजय कुर्मीले सहभागीहरुलाई प्रशिक्षण दिएका थिए ।
त्रिदेव प्रसाद साहको संयोजकत्वमा सम्पन्न सो कार्यक्रममा मिथिला मोन्टेसरी ईग्ंिलश बोर्डिङ्ग स्कूल, हिमालय बोर्डिङ्ग स्कूल र संकट मोचन देवसरण रामरती उच्च माध्यमिक विद्यालयका विद्यार्थीहरुको सहभागिता रहेको थियो । लागू औषधमा लागेपछि हुने क्षति र अनावश्यक शारिरीक टचले हुन मानसिक समस्यासहित कानूनी व्यवस्था बारे सहभागीहरुलाई जानकारी गराउंदै त्यसबाट बच्न आग्रह गरिएको थियो ।
यो विषयमा आफ्नो प्रतिक्रिया दिनुहोस् !