जनकपुरधाम, १४ पुस । नेकपा एमालेका जनप्रतिनिधिहरुले जनकपुरधाम उपमहानगरपालिका मेयर भ्रष्टाचार र कमीशनमा लिप्त रहेको काम गर्न नसकेको आरोप लगाएका छन् ।
शनिवार जनकपुरधामको कपिलेश्वरमा एक पत्रकार सम्मेलन आयोजना गरी संघीय सांसद एवं पुर्व मन्त्री जुली महतोले जनकपुरधाम उपमहानगरपालिकामा मेयर मनोज साहले भ्रष्टाचार र कमीशनमा लिप्त रहेको कारण जनचाहना अनुसार काम गर्न नसकेको आरोप लगाईन ।
महतोले भनिन, ‘घरदैलोको क्रममा जनताको धेरै व्यथा र गुनासो सुनियो, सबै हेर्दा वर्तमान स्थानिय सरकार निक्कमा नभएको जस्तो लागेको छ । एक त आफै काम गर्दैनन् उपलब्ध गराएको बजेट पनि फ्रिज गराउने गरेको छ । उनले मधेशको राजधानी जनकपुरधाम र अर्को शहर बिरगंज महानगरपालिकामा एउटै बजेट दिँदा बिरगंजले सबै काम सकेर देखाएको बताउदै जनकपुरधाम उपमहानगरपालिकाले एक पैसा समेत खर्च गर्न नसकि मेयर साहले बजेट फ्रिज गराएको आरोप लगाइन ।
उनले करोडौ करोड रुपैया बजेट जनकपुरधाम उपमहानगरमा आउंछ र विकासको गति शून्यमा छ । जति विकास विगतमा २÷४ लाख रुपैया बजेट पाउने स्थानीय तहले गथ्र्यो । त्यति विकास अहिले करोडौ करोड रुपैयाको बजेटमा भइरहेको छैन । विकासको नाममा भ्रष्टाचार र कमीशनतन्त्र हावी छ ।
आ आफ्ना मान्छेको उपभोक्ता समिति बनाएर कमीशनका लागि विकास निर्माणको कमसल काम गर्दै आएको छ । कहीं सडक छ भने नाला छैन, नाला छ भने त्यसमा ढक्कन र ईटा छैन । यस वर्ष सडक बन्छ अघिल्लो वर्ष सडक नै गायब हुने जस्तो अवस्था जनकपुरधाम उपमहानगरपालिकामा छ । महतोले विकास निर्माणको काममा दलीय राजनीति नगरी गुरुयोजना बनाएर अघि बढन जनकपुरधाम उपमहानगरपालिकाका मेयर साहसँग आग्रह गरिन् ।
पत्रकार सम्मेलनमा प्रदेश सांसद दिपेन्द्र ठाकुरले जनकपुरधामका मेयरदेखि वडा अध्यक्षसम्म भ्रष्टाचारमा लिप्तको कारण काम गर्ने इच्छाशक्ति नै उनीहरुको समाप्त भएको आरोप लगाए । ठाकुरले आफूहरुले जनकपुरधामको बारहविघा मैदानको सौन्दर्यकरणका लागि १७ करोड रुपैया प्रदेश सरकारबाट जनकपुरधाम उपमहानगरपालिकालाई उपलब्ध गराएपनि समय आभाव बताएर मेयर मनोज साहले सो रकम फ्रिज गराइ दियो । यहाँका मेयरदेखि वडाध्यक्षसम्म भ्रष्टाचार र कमीशनले काम गर्ने इच्छाशक्ति नै गुमाई सकेका छन् ।
उनले सरसफाईको नाममा ट्रयाक्टर र आवश्यकताभन्दा बढी सफाईकर्मी देखाएर भ्रष्टाचार गर्दै आएको भने । पछिल्लो दिपावलीमा एक दिनको सरसफाई खर्च मात्र ६६ लाख देखाएको प्रसंग चर्चा गर्दै विकासको काम शून्य र भ्रष्टाचार उपमहानगरमा चरममा रहेको आरोप लगाए । साथै उनले वर्तमान मुख्यमन्त्रीलाई प्रदेशका लागि दुर्भाग्य रहेको बताए ।
एमालेका तर्फबाट मेयरका प्रत्यासी शिव शंकर साह हिराले प्रतिपक्षीको हैसियतले आप्नो भूमिका कमजोर नभई एक सावा वर्ष काम गर्न समय दिएकाले हेरेर बसेका थियौं । तर अब जनताको विकासको कामका लागि चुप्प बस्ने छैनौ । धर्ना जुलुस र घेराउसम्मका विरोधका कार्यक्रम अघि सार्नेछौ चेतावनी उनले दिए । हिराले मात्र नभई संघीय सांसद महतो र प्रदेश सांसद ठाकुर समेतले जनताको अधिकार स्थापित र विकास निर्माणका लागि सडकदेखि सदनसम्म आवाज उठाउने चेतावनी दिए ।
एमालेका तिनैजना नेताले केही प्रतिशत व्यक्ति खराब होला तर त्यसको नियन्त्रण गर्ने बहानामा साहु महाजनलाई तर्साउने काम गरेको छ । अहिले मिटरब्याजीको त्रासले एक रुपैया पनि ऋण दिइरहेका छैनन् । जसको कारणले उद्योग व्यवसाय मात्रै धारासायी नभई बिरामी उपचार, पढाई लेखाई, वैदेशिक रोजगारमा जाने लगायतका सबै कार्य ठप्प भएका छन् ।
साे अवसरमा प्रतिनिधीसभा सदस्य प्रतिक्षा तिवारी, प्रदेश सांसद पल्टी महरा सहितका नेता, नेतृ र स्थानिय नेता कार्यक्रताहरुको सहभागिता थियो । पत्रकार सम्मेलनपछि एमालेका ती प्रतिनिधिहरुले कपिलेश्वरका स्थानीयको घर घरमा गई समस्या बारे जानकारी लिएकी थिइन ।
यो विषयमा आफ्नो प्रतिक्रिया दिनुहोस् !