जनकपुरधाम, पुस ११ गते । महोत्तरीको मटिहानी स्थित लक्ष्मी नारायण मठमा श्री हरि सत्सङ्ग समिति नेपालले आयोजना गरेको ६ महिने व्यास प्रशिक्षणको दिक्षान्त समारोह सम्पन्न भएको छ ।
नगरपालिकाका नगर प्रमुख हरिप्रसाद मंडलको प्रमूख आतिथ्यमा उक्त दिक्षान्त समारोह सम्पन्न भएको हो । ६ महिने सो व्यास प्रशिक्षणमा नेपालका विभिन्न जिल्लावाट व्यास प्रशिक्षार्थी साधवीहरुको सहभागिता रहेको थियो । उक्त व्यास प्रशिक्षणमा आध्यात्मिक चेतनाको बिकास, समाजमा बढ्दो विकृतिबारे चेतना लगायत धार्मिक ग्रन्थ रामायण र बेदका बारेमा ज्ञान दिइएको जनाइएको छ ।
उक्त दिक्षान्त समारोहमा श्रीहरि सत्सङ्ग समिति नेपालको राष्ट्रिय अध्यक्ष भिखमचन्द सरल , अन्तर्राष्ट्रीय महामंत्री अनिल मानसेरिया शसस्त्र प्रहरीका नायब महानिरीक्षक दिनेश मल्ल, श्री हरि सत्सङ्ग समिति नेपालको केन्द्रिय उपाध्यक्ष बिजय झुनझुनबाला, महोत्तरी जिल्ला अध्यक्ष रंजीत साह, व्यास प्रशिक्षार्थी साधवीहरुको लगायतका व्यक्तिहरुको उपस्थिति रहेको थियो ।
यो विषयमा आफ्नो प्रतिक्रिया दिनुहोस् !