जनकपुरधाम, पुस २ गते । मधेश प्रदेश सरकार र जनकपुरधाम उपमहानगरपालिकाको बेवास्ता र फितिलो व्यवस्थापनका कारण श्रीरामजानकी विवाह पञ्चमी महोत्सवमा सहभागी हुन आएका तिर्थालु श्रद्धालुहरुलाई निकै सास्ती भोग्नु परेको छ ।
अन्नबाट श्रीराम जानकी विवाह दृश्यको आकृति बनाएर विवाह पञ्चमी महोत्सवको माध्यमले वल्र्ड रेकर्ड बनाउनेमा पूर्ण ध्यान दिएका जनकपुरधाम उपमहानगरपालिकाको जसका बलमा वल्र्ड रेकर्ड बनाउन खोजेको हो । त्यसको उचित व्यवस्थापन नगर्दा श्रद्धालु भक्तजनहरुलाई ज्यान जाने चिसोमा खुला आकाशमुनि रात बिताउनु परेको छ ।
श्रद्धालु भक्तजनहरुको भीडका कारण राम मन्दिर, जानकी मन्दिर, विभिन्न मठ, कुटीलगायतका स्थलमा बासोबासका लागि स्थान नहुँदा तीर्थालु श्रद्धालुहरुलाई सास्ती खेप्नु परेको छ । साताव्यापी रुपमा मनाइने सीताराम विवाहपञ्चमीको तयारीका लागि महिनादिन अघिदेखि नै बैठक बसेर विभिन्न व्यवस्थापनका लागि सरोकारवालले आन्तरिक तयारीमा लगिपरेका थिए । तर विवाहपञ्चमीको एक दिन अघि देखि नै श्रद्धालु भक्तजनहरुका लागि बसोबासको व्यवस्थापन यथोचितरुपमा नहुँदा उनीहरु खुला आकाश मुनि राति विताउन बाध्य भए ।
राम मन्दिर, जानकी मन्दिर, संकट मोचन मन्दिरलगायत यहाँका विभिन्न मठ मन्दिरहरुमा भक्तजनहरुले विवाहपञ्चमीमा सरिक भए । भारत तथा नेपालकै आन्तरिक भक्तजनहरुको अधिक चापले गर्दा जनकपुरधाम स्थित होटेल, लज, धर्मशालालगायतका स्थानहरुसमेत खचाखच भरिएको कारण ज्याने जाने गरी रहेको चिसोमा खुला आकाशमुनि रात गुजार्न बाध्य भए ।
लाखौँ भक्तजनहरुका लागि उपमहानगरपालिका सहित सरोकारवालले विश्रामस्थलको व्यवस्थापन र शौचालयको समुचित प्रबन्ध नगर्दा विगत झैँ यसवर्ष पनि समस्या भोग्नु परेको एक भक्तजन बताए । भारतको दरभंगा बस्ने सुनिलप्रसाह कलवारले माता सीताको विवाह हेर्नका लागि स–परिवार आएर जसोतसो दर्शन सम्भव भएपनि विश्रामस्थल र शौचालयमा निकै कठिनाई भोग्नु परेको दुखेको सुनाए ।
केही विद्यालय र संघ संस्थाहरुले तिर्थालुहरुका लागि बासको व्यवस्थापन गरेपनि तिर्थालुको संख्या बढी भएको कारण सो व्यवस्था पर्याप्त नहुँदा सास्ती भोग्नु परेको हो । प्रदेश सरकार र उपमहानगरपालिका यसमा चासो नलिंदा तिर्थालुहरुलाई सास्ती भोग्नु परेको एक श्रद्धालुले बताए । उनले भने उपमहानगर र प्रदेश सरकारका प्रतिनिधिहरु मञ्चमा आतिथ्यको फोटो खिचाउन बाहेक केही काम गरेको छैन ।
उचित व्यवस्थापन नगर्दा संख्यामा रहेका कारण उनीहरुलाई सास्ती भोग्न’विवाहपञ्चमी लक्षित विभिन्न संघसंस्थाले सामाजिक कार्यमा लागे पनि शौचालय र बसोबास व्यवस्थापनमा कसैले ध्यान नदिँदा यस्ता खाले समस्याहरु हरेक वर्षमा आउने गरेको जनकपुरधाम उपमहानगरपालिका वडा नम्बर १० बस्ने किसन मण्डलले बताए ।
यता जनकपुरधाम उपमहानगरपालिकाले बाह्रविघा रंगभुमि मैदानमा शौचालय र विश्रामस्थलको व्यवस्था गरेको जनाएका । जनकपुरधाम उपमहानगरपालिकाका नगरप्रमुख मनोज साहले तीर्थालुहरुको सहज व्यवस्थापन तर्फ गम्भीररुपमा ध्यान दिएको र विश्राम स्थलदेखि शौचालय व्यवस्थापनमा यस वर्ष हरेक सार्वजनिक शौचालयहरुलाई निःशुल्क गरिएको दाबी गरेका छन् ।
यस समस्यालाई संघीय सरकार, मधेश प्रदेश सरकार, जनकपुरधाम उपमहानगरपालिका लगायतका सरोकारवाला संघसंस्थाले गम्भीररुपमा नलिँदा विवाहपञ्चमी समापनसँगै जनकपुरधाम क्षेत्र नै फोहोर र दुर्गन्धितको डुंगुरमा परिणत हुने गरेको छ ।
यो विषयमा आफ्नो प्रतिक्रिया दिनुहोस् !