जनकपुरधाम, मंसिर ३० गते । विवाह पञ्चमी महोत्सवमा जनकपुरधाम आउने पर्यटकहरुको लागि अहिले प्रमुख आकर्षणको केन्द्र रंगभूमि मैदानमा अनाजबाट ११ हजार स्क्वायर फिटको तयार पारिएको भगवान श्रीराम जानकीको आकृति बनेको छ ।
श्रीराम जानकी विवाह पञ्चमी महोत्सवमा आयोजित मेला भर्न देश विदेशबाट आउने श्रद्धालु भक्तजनहरु सहितका पर्यटकहरुको आकर्षणको दृष्टिगत गरी तयार पारिएको सो आकृति हेर्न दिनहुँ हजारौको संख्यामा भीड लाग्ने गरेको छ ।
जनकपुरधाम सप्ताहव्यापी विवाहपञ्चमी महोत्सवको रंगमा रंगिएको समयमा विश्व रेकर्ड कायम समेत गर्ने स्थापित गर्ने उद्देश्यले अनाजबाट ११ हजार ११ स्क्वायर फिटको निर्माण गरिएको श्रीराम जानकीको आकृतिले महोत्सवको रौनकता थप बढाएको छ । सो आकृति शुक्रवार दिउंसोदेखि सर्वसाधारणको अवलोकनकालागि समेत खुल्ला गरिएको हो । सो आकृति हेर्न हजारौको संख्यामा नेपाल तथा भारतबाट श्रद्धालु भक्तजन आउने गरेको छ ।
विरगंजस्थित भारतीय महावाणिज्य दूतावासका महावाणिज्य दूत देवी सहाय मिणाले बताए । यस प्रकारका साकारात्मक पहल भईरह्नु पर्नेमा जोड दिए ।
पछिल्लो पटक भारतको अयोध्यमा अन्नबाटै प्रतिमा निर्माण गरेर विश्व रेकर्ड बनाएका सतिश गुर्जरकै टिमले आफ्नै रेकर्ड तोड्ने उद्देश्यले निर्माण गरिएको यो प्रतिमाले जनकपुरधामको पर्यटनलाई बढावा दिन मद्दत गर्ने जनकपुरधाम उपमहानगरपालिकाका प्रमुख मनोजकुमार साहले बताए ।
भारतको सतिश गुर्जरसंगै आएका ८ जना कलाकारहरुले ५ दिन लगाएर सो प्रतिमाको निर्माण गरेका छन् । सो प्रतिमाको निर्माण अन्नकै प्रतिमा बनाएर ११ पटक अन्नकै प्रतिमा बनाएर विश्व रेकर्ड बनाउनु भएका भारतको मध्यप्रदेशका सतिश गुर्जरले गरेका हुन । उनले यो आकृति विश्वमै अनाजबाट तयार पारिएको अहिलेसम्मका आकृतिभन्दा ठूलो रहेको छ दाबी गरे । जनकपुरधाममा निर्मित भगवान श्रीरामजानकीको सो आकृतिले जनकपुरधाम पर्यटकीय क्षेत्रमा ठूलो फड्को मारेको र यसले यहाँको धार्मिकतामा ठूलो टेवा पुगेको हुनाले अन्य महोत्सवहरुमा समेत यसप्रकारका नयाँपन दिएमा झन राम्रो हुने प्रतिनिधि सभा सदस्य जुली महतोले बताईन ।
जनकपुरधाम उद्योग बाणिज्य संघका अध्यक्ष जितेन्द्र महासेठको संयोजकत्वमा निर्माण समितिद्वारा निर्मित सो प्रतिमामा भगवान सीतारामको स्वयम्बरको दृश्य र राजर्षि जनक तथा गुरु बिश्वामित्रको पनि प्रतिमा बनाइएको हो । आकृतिमा दाल, चामल, गहुँ सहितका ११ प्रकारका १ सय १ क्विण्टल अनाजको प्रयोग गरिएको हो । प्रतिमा निर्माणमा १५ लाखभन्दा बढीको खर्च भएको प्रतिमा निर्माण समितिले जनाएको छ ।
सोमवारसम्म अवलोकनका लागि राखिने सो आकृति निर्माणका लागि स्थानीय व्यवसायी, विद्यालय र विभिन्न संघ संस्थाबाट चन्दा संकलन गरी तयार गरिएको हो । आकृतिमा प्रयोग गरिएका अनाज खेर जाने आलोचना भइरहेकोमा मेयर साहले १० प्रतिशत अनाज मात्र खेर जाने बांकी अनाज वृद्धाश्रम, मानव सेवा आश्रम र अनाथ आश्रम लगायतका संघ संस्थाहरुलाई दिइने जानकारी दिए ।
यो विषयमा आफ्नो प्रतिक्रिया दिनुहोस् !