जनकपुरधाम, कात्तिक २४ गते । अवैध रुपमा चोरी निकासी गरिएका एक लाख मूल्य भन्दा बढीको प्रतिबन्धित पटाखा सशस्त्र प्रहरी धनुषाले नियन्त्रणमा लिइ नष्ट पारेको छ ।
दिपावली नजिकिएसँगै सशस्त्र प्रहरी बल नेपाल नं. ८ गण हेडक्वाटर धनुषाले सक्रियता बढाई जनकपुरधामबाट बरामद गरिएका एक लाखभन्दा बढी मूल्य बराबरको प्रतिबन्धित अवैध पटाखा शुक्रवार दिउंसो नष्ट पारेको हो । स्थानिय जन प्रतिनिधि र नेपाल प्रहरीको रोहबरमा जनकपुरधाम स्थित सशस्त्र प्रहरीको कार्यालयमै खाल्डो खनी ती पटाखा नष्ट पारिएको हो ।
जनकपुरधाम उपमहानगरपालिका ४ स्थित माछा बजारबाट सशस्त्र प्रहरी बल नेपाल नं. ८ गण हेडक्वाटर धनुषाका सहायक प्रहरी निरिक्षक प्रकाश धितालको कमाण्डमा खटिएको प्रहरी टोलीले बरामद गरेको एक लाख ३ हजार मूल्य बराबरको पटाखा बरामद गरेको थियो ।
सशस्त्र प्रहरीको मोबाइल टोलीलाई देखेर भारतबाट अवैध रुपमा भन्सार छलि टाउकोमा बोकि नेपालतर्फ ल्याउँदै गरेको ३ वटा बोरामा विभिन्न किसिमका प्रतिबन्धित पटकाहरु सोही स्थानमा छाडि व्यक्ति फरार भएको कारण पटाखा मात्र नियन्त्रणमा लिइयो व्यक्ति भाग्न सफल भएको सशस्त्र प्रहरीका प्रवक्ता डिएसपी यदु कार्कीले जनाएको छ ।
यो विषयमा आफ्नो प्रतिक्रिया दिनुहोस् !