जनकपुरधाम, कात्तिक २१ गते । बलजफ्ती कपाली तमसुक बनाएको घटनामा न्यायका गुहार गर्दा प्रहरी प्रशासनले असहयोग गरेको पिडीत पक्षले आरोप लगाएको छ ।
धनुषाको हंसपुर नगरपालिका ४ मनिपट्टी निवासी रामआशिष दासले मंगलवार एक पत्रकार सम्मेलन आयोजना आफ्नाे पीडा पाेखेका छन् । घटनाबारे उनले भने जिल्लाको औरही गाउँपालिका १ पौडेश्वर निवासी रामविलास दास लगायतका समूहले आफूलाई कुटपिट गरी २० लाख रुपैयाको कपाली तमसुक बनाएको घटनामा न्यायका लागि गुहार गर्दा प्रहरी प्रशासनले ले असहयोग गरयाे ।
रामआशिषले भने रामविलास दास कथबनिया, विशेश्वर यादव र कमलदेव यादव लगायत अन्य चारजना सहित ७ जनाको समूहमा रहेका व्यक्तिहरु विरूद्ध जिल्ला प्रहरी कार्यालयमा किटानी जाहेरी दिंदा दर्ता नगरी पिडकलाई उम्किने माैका दिएकाे छ । उनले भने गएको वैशाख २५ गतेका दिन आफू जनकपुरधाम पुलचोक स्थित पसल बन्द गरेर घर गइरहेको बेला यदुकोहा सडकखण्डमा तेतरिया बजारस्थित पुल नजिक रामविलासको नेतृत्वमा रहेका ती व्यक्तिहरुले आफूलाई अपहरण शैलीमा कुटपिट गरी १५/२० वटा कागजमा बलजफ्ती सहीछाप गरायो । तर के कागजातमा सहीछाप गरायाे बुझेनाै ।
घटना लगतै कपिलेश्वर प्रहरी चौकीमा फोन गर्दा तिनीहरु भागेपनि रामविलासको छोरालाई पक्राउ गरियो तर कुनै कारवाही प्रक्रिया अघि नबढाउंदै एक एमाले नेताको जमानीमा छोडियो । न्यायका लागि जिल्ला प्रशासन कार्यालयमा जाँदा प्रहरीको कार्याधिकार रहेको भनी उजुरी लिन मानेन् । ती दिनदेखि जिल्ला प्रहरी कार्यालयमा धाई रहेका छौं । तर उजुरी दर्ता गर्न मानेको छैन ।
धनुषाका तात्कालिन एसपी विश्वराज खड्काले आज समात्छौं, भोली समात्छौं भनी आरोपितलाई समात्नु त के उजुरी समेत दर्ता गरेको छैन । भौतिक उपस्थितिमा उजुरी दर्ता नगरेपछि अन्तत: जिल्ला हुलाक कार्यालयमा मार्फत जिप्रका लगायत आधा दर्जनभन्दा सम्बन्धित निकायमा हुलाक मार्फत उजुरी दर्ता गराएका छौं, तर आजसम्म कुनै पनि निकायले पहल नगरेको दुखेसो रामआशिषले सुनाए ।
उनले भने यति मात्र हाेइन जिल्ला सरकारी वकिल कार्यालय समेतले आवश्यक कारवाहीका लागि जाहेरी दरखास्त पठाएकोमा तिन महिना बितिसक्दा पनि कुनै चासो नलिई जिल्ला प्रहरी कार्यालयले बेवास्ता गर्दै आएको छ । उनले जिल्ला हुलाक कार्यालय मार्फत जिल्ला प्रहरी कार्यालय सहित, जिल्ला प्रशासन कार्यालय, उच्च अदालत, जिल्ला तथा उच्च सरकारी वकिल कार्यालय, प्रदेश गृहमन्त्रालय, मुख्यमन्त्रीको कार्यालय, प्रदेश प्रहरी कार्यालय, मुख्यन्यायधिवक्ताको कार्यालय, प्रधानमन्त्रीको कार्यालय र संघीय गृहमन्त्रालय सहितका निकायमा उजुरी दर्ता गराएका छन् ।
पत्रकारहरुको जिज्ञासामा रामआशिषले भने कुन कुन कागजातमा सहीछाप गरायौं भन्ने कुरा अन्ध्यारो र आफू सिकिस्त भएको कारण ती बेला बुझ्न पाएनौं । पछिल्लो पटक आफू विरुद्ध अदालतमा २० लाख ऋण लिएको भनी कपाली तमसुक सहित मुद्दा दर्ता गराइएपछि त्यस बेला आफूसँग कपाली तमसुकमा सहीछाप गराएको भन्ने कुरा थाहा पाएको भने ।
आफूसँग चिन्ने त कुरा परै जाओस नामै नसुनेका व्यक्ति महोत्तरी जिल्ला लोहरपट्टी ५ निवासी अशोक कुमार ठाकुरलाई साहसँग २० लाख रुपैया ऋण लिएको भनी पुरानो मिति २०७४ माघ १४ गतेको मितिमा कपाली तमसुक बनाएको हो भन्ने कुरा अदालतमा दायर गरिएको मुद्दामा संलग्न कागजातले थाहा पाएको उनले बताए ।
आरोपित रामविलासबाट बलजफ्ती कपाली तमसुक घटनामा रामआशिष मात्र नभई उनकै पौडेश्वर गाउँका मदनेश्वर ठाकुर लगायतका कयौं व्यक्ति पिडीत छन् ।
मदनेश्वरले भने आफ्नो छिमेकी नै रहेका रामविलासले मेरो पुर्खयौली जग्गा वर्षौदेखि कब्जा जमाएर बसेको छ । ती जग्गा छुटाउन तात्कालिन पुनरावेदन अदालतमा मुद्दा दिंदा त्यसबाट बच्न रामविलासले आफूलाई घरमा बन्धक बनाई हातहतियारको बलमा बलजफ्ती कपाली तमसुक सहितका कागजातहरुमा सहीछाप गरायौं ।
उनले थप्दै भने घटना सम्बन्धमा सहीछाप गराएको कागजात फिर्ता गरिदिन गाउँमा वडाध्यक्ष सहित भरभलादमीको उपस्थितिमा कयौं पटक पंचायत समेत भई सकेको छ । यति मात्र होइन ती सहीछापले आगामी दिनमा समस्या हुन सक्छ भनेर जिल्ला अदालतमा मुद्दा समेत हालेका छौैं । तिनीहरुले दाबी गर्नुअघि नै आफूले अदालतमा मुद्दा दिएको कारण अहिलेसम्म आफूविरुद्ध मुद्दा दर्ता त गरेको छैन । तर आफूजस्त कयौं व्यक्ति रामविलासले पिडीत बनाएकाेे उनले भने ।
यो विषयमा आफ्नो प्रतिक्रिया दिनुहोस् !