जनकपुरधाम, कार्तिक ५ । विजयादशमीकाे अवसरमा जनकपुरधामकाे विद्यापति (मूरली) चाेक स्थित दुर्गा पुजनाेत्सव स्थलमा पुजा समितिका पदाधिकारीहरूले गरेकाे मनपर्दी र दुर्व्यवहारले श्रद्धालुहरूलाई निकै सास्ती भाेग्नु परेकाे छ ।
पुजा व्यवस्थापनका लागि स्थानीय युवाहरूकाे सहभागितामा गठित पुजा समितिले गरेकाे फितिलाे व्यवस्थापन र मनपरीले आइतवार अष्टमीका दिन खाेंइच भर्न गएकी श्रद्धालुलाई भीड नियन्त्रण गर्ने बहानामा धक्काधुक्की सहितका दुर्व्यवहारले कयाैं श्रद्धालु महिला सामान्य घाइते भएकी छिन ।
समितिका पदाधिकारीकाे निर्देशनमा स्वयंसेवकहरूले बिहान १०/११ बजेदेखि दिउंसाे २ बजेसम्म निकासद्वार भनिएकाे पुर्वपट्टीकाे गेट ताल्चा लगाई एउटै प्रवेशद्वारबाट प्रवेश र निकास गराउंदा श्रद्धालु महिला सास्ती भाेग्नुका साथै दुर्व्यवहारकाे शिकार समेत हुनु परेकाे देखियाे ।
मान्छे छिर्छ भनेर निकासद्वारमा ताला लगाइएकाे अवधिसम्म पुरूष श्रद्धालुहरूलाई पुजनाेत्सव स्थलमा पुजापाठ र प्रसाद चढाउन प्रवेश गर्न दिएनन् । ताल्चा लगाइएका निकासद्वारबाट स्वयंसेवकहरूले खाेंइच भर्न आएका आ आफ्ना नातागाेता तथा चिनजानका मान्छेहरूलाई ताला खाेलेर र प्रवेशद्वारकाे साइडबाट मनपरी रूपमा प्रवेश गराइरहेकाे देखियाे । साे क्रममा अन्य श्रद्धालु महिला छिर्न खाेज्दा संवेदनशील अंगकाे समेत ख्याल नगरी धक्काधसक्की, लछारपछार र अपशब्द प्रयाेगसहितका दुर्व्यवहार गरेका थिए । माता भगवतीकाे पुजाका लागि श्रद्धालुहरूलाई सहज गर्नुकाे सट्टा निकासद्वारमा ताल्चा लगाई स्वयंसेवकहरूले झन असहज बनाएकाे थियाे ।
नाम उल्लेख नगर्ने शर्तमा एक महिला श्रद्धालुले भनिन् घण्टाै लाईनमा बसेर धेरै मुश्किलले मन्दिर परिसरमा प्रवेश त पायाैं तर समितिका पदाधिकारी तथा स्वयंसेवकहरूले निकासद्वारमा ताल्चा लगाएकाे कारण प्रवेश गर्नुभन्दा निस्किन समस्या भयाे भीडका कारण स्वयंसेवक दुर्व्यवहार गर्दै धकेलेर निकालेकाे पीडा सुनाइन । यस्तै अर्की महिला श्रद्धालुले पुजा व्यवस्थापनकाे नाममा स्वयंसेवक मनपरी नै गरेकाे आराेप लगाईन । उनले भनिन आ आफ्ना मान्छेलाई सहज ढंगबाट प्रवेश गराउन निकासद्वारमा ताल्चा लगाएर एउटै प्रवेशद्वारबाट प्रवेश गर्न निस्किन स्वयंसेवकहरूले धक्काधुक्की र लछाडपछाड गरेकाे छ ।
यस्तै यदुकाेहा हाल जनकपुरधाम ४ निवासी विनाेद भन्ने व्यक्तिले भने पुरूष श्रद्धालुका लागि कुनै लाईनकै व्यवस्था गरेकाे थिएन, एउटै गेटबाट प्रवेश र निकालिरहेकाे कारणले घण्टाै साइडमा उभिनु पर्याे, मेन लाईनमा महिलाकाे भीड थियाे, साइडबाट छिर्न खाेज्दा स्वयंसेवकहरूले गाली सहितका अपशब्द प्रयाेग गर्दै धक्का दिएर बाहिर निकालिदियाे ।
विद्यापति चाैकसम्म आएकाे श्रद्धालुहरूकाे लाईन व्यवस्थित नै थियाे । तर सडक नजिककाे मेन प्रवेशद्वारदेखि मूलद्वार १५/२० मिटरसम्म निकै अव्यवस्थित रहेकाे देखियाे । मुश्किलले १०० जना अटने ठाउंममा ५ सय जति मान्छेमाथि मान्छे उभेकाे कसमकस अवस्था थियाे । गर्मीले कयाै महिला लाईनमै फेन्ट भई सिकिस्त भएका थिए । गेटमा व्यवस्थापनकाे नाममा कडाई गर्न स्वंयसेवक परिचालन गरिएपनि पुजास्थल (खाेंइच भर्ने ठाउँ) मा आवश्यक संख्यामा समितिले स्वंयसेवक परिचालन नगर्दा भित्र प्रवेश गरेका श्रद्धालुहरूले बढी समय लगाउंदा भीड बढेर लाईनमा रहेकालाई घण्टाैसम्म कुर्ने र सास्ती भाेग्नु परेकाे थियाे ।
प्रवेशद्वारमा स्वयंसेवककाे रूपमा खटेका अमित झा, करण र आनन्द भन्ने लगायतका युवाहरूले श्रद्धालुसंग धक्काधुक्की सहित दुव्यवहार गरेकाे देखिएकाे थियाे । समाचार संकलन र फाेटाे खिच्न पत्रकारहरूलाई समेत बाहिरैबाट रिपाेर्टिंग गर्नुस भनेर मन्दिर परिसरमा प्रवेश गर्न दिएनन् ।
अमित झा र आनन्द भन्ने स्वयंसेवकले पत्रकार हाे भने त के गर्ने महिलाकाे खाेंइच भराई रहेकाे पुरूषलाई छिर्न दिन्नाै, चाहे त्याे पत्रकार हाेस वा अन्य काेही भनेर धकेलेर प्रवेश गर्न दिएन । तर आ आफ्ना नातागाेता तथा चिनजानका व्यक्तिहरूलाई सहजै आदरसहित मन्दिर परिसर भित्र छिराउंदै गरेकाे अवस्थामा भनेपछि केही जवाफ दिएनन् ।
पुजाकाे हरहिसाब सार्वजनिक नगर्ने गरेकाे कारण विगतमा समितिका पदाधिकारीहरूमाथि अनियमितताकाे आराेप लाग्दै आएकाे छ । यश पटकपनि आम्दानी खर्चहिसाब सार्वजनिक गर्छ भन्नेमा स्थानिय विश्वस्त छैन ।
यो विषयमा आफ्नो प्रतिक्रिया दिनुहोस् !