टिभिएसको एक्सचेन्जमा अफरै अफर

जनकपुरधाम, असोज २२ । टिभिएस मोटरसाइकलको एक्सचेन्ज अफरसहितको मेला जनकपुरधाममा पनि शुरु हुने भएको छ ।

जनकपुरधामस्थित टिभीएस मोटरसाइकलका अधिकृत विक्रेता आर्यन अटोमोबाइल्समा असोज २४ देखि असोज ३० गतेसम्म एक्सचेन्ज अफर शुरू हुने भएकाे छ ।

हरमोडमा उमंङ्ग भन्ने मूल नाराका साथ शुरु चैम्पियन्स एक्सचेन्ज अफरमा कुनैपनि कम्पनीको मोटरसाइकललाई उचित मूल्यांकन गरी नयाँ टिभीएसको नयाँ मोटरसाइकल दिइने आर्यन अटोमोबाइल्सका सञ्चालक रामबालक महतोले जानकारी दिएका छन् । एक्सचेन्ज भ्यालू कम्तिमा १० हजार सहित जिरो प्रतिशत ब्याजदरमा २५ प्रतिशत डाउनपेमेन्टमै मोटरसाइकल ग्राहकलाई दिने योजना रहेको उनले बताए ।

यसका साथै चाडपर्व लक्षित गरी मोटरसाइकल नकिन्दै एक लाखसम्मको, किन्दा ५ लाख र हरेक महिना सय प्रतिशत क्यासब्याक अफर समेत रहेको उनले जानकारी दिएका छन् ।